DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 323,36 Brent 36,55
Lada автокөліктерінің бағасы 6%-ға қымбаттайды

Lada автокөліктерінің бағасы 6%-ға қымбаттайды

«БИПЕК АВТО –  АЗИЯ АВТО» филиалдарында отандық Lada автокөліктерінің бағасы 200 мың теңгеге дейін қымбаттайды деп болжанды.

27 Қаңтар 2017 17:07 25683

Lada автокөліктерінің бағасы 6%-ға қымбаттайды

Автор:

Татьяна Шестакова

«АЗИЯ АВТО» АҚ мәліметіне сүйенсек, 2016 жылы елде 3325 отандық өндірістің Lada автокөлігі сатылды, жалпы сатылым тарихында осы ресейлік брендтің 8146 автокөлігі сатылды. Жыл соңында стандартты жиынтықтағы Granta моделінің құны шамамен 2,5 млн теңгені құрады. «БИПЕК АВТО – АЗИЯ АВТО» автохолдингінің аймақтардағы және астанадағы өкілдіктерінде айтылғандай, 2017 жылы шыққан автокөліктердің бағасы шамамен 200 мың теңгеге қымбаттайды. Компания бұл жағдай бойынша түсіндірме берген жоқ,  автокөліктердің құны 2017 жылдың бірінші ширегінде сатылым басталған кезде жарияланады дейді.

«Автокөліктің құнына қосымша құн салығы қосылады (ҚҚС), сондықтан баға түбегейлі өзгереді. Бұрын оны төлемейтін едік, енді төлейміз. Бұл жаңалық жария етілгенде біз де таң қалдық. Сондықтан салық салудағы айырмашылық салдарынан баға өзгереді», - деп мәлімделді abctv.kz-пен әңгіме барысында «БИПЕК АВТО – АЗИЯ АВТО» астаналық филиалында.

Бұл сөзді «ҚазАвтоӨндіріс» Қазақстан автокөлік саласындағы кәсіпорындар одағы басшылығының төрағасы Олег Алферов те растайды:

«Бұрын Қазақстан өндірушілеріне ҚҚС төлеу бойынша берілген жеңілдіктің әрекет ету мерзімі 2017 жылы аяқталды. Бұл жайт бәсеге қабілеттілікті төмендетіп, заңды түрде отандық автокөліктердің қымбаттауына әкелетінін мойындау керек. Мұндай әсерді білдіртпеу үшін автонесиелерді жеңілдікпен беру бағдарламаларын қосымша капиталға айналдыру және өнімді жеткізуге субсидия бөлу сынды бұл саланы қолдаудың баламалы шараларын қолдануға болар еді».

«БИПЕК АВТО – АЗИЯ АВТО» КТ-да айтылғандай, Қазақстандағы LADA автокөлігінің қазіргі бағалары «АВТОВАЗ» ЖАҚ-тың баға көтеруі ескеріліп белгіленді. Еске сала кетейік, жыл басында  ресейлік «АвтоВАЗ» компаниясы өз өнімінің бағасын көтерді. 2017 жылдың қаңтарында олардың сайтында жарияланған бағалар тізімінде «АвтоВАЗ» бағаларды келесі түрде жоғарылатты: Lada 2-3%-ға қымбаттады. Сондай-ақ Granta-ның (седан) бастапқы бағасы 1,6%-ға, Lada Vesta (седан)  3,2%-ға жоғарылады. «БИПЕК АВТО» сайтында орналастырылған ақпараттан түйгеніміз, ресейлік брендтің 2017 жылы шыққан автокөліктерінің бағасы орташа есеппен 5-7%-ға өсті.

 «БИПЕК АВТО – АЗИЯ АВТО» филиалдарында 2017 жылғы автокөліктер вагондарда бар және оны жеткізуге болатынын айтады. Баса назар аудару керек, Lada маркалы автокөліктердің бағасы «БИПЕК АВТО» сайтында қаңтар айының басында бірнеше күн бойы көрсетілмей келді (отандық өндірістің қалған брендтерінің бағасы белгіленген – автордң ескерпесі). Делдалдық салондарда 2016 жылдан қалған көліктер 2,5 млн теңге бағасымен сатылып жатқанын түсіндірді. Компанияның бағалар тізіміне сәйкес 2017 жылы шығарылған Lada Granta-ның бағасы 2,7 млн теңгеден басталады.

Жергілікті жерде құрастырылған автокөліктер ішінде көш бастап отырған «АЗИЯ АВТО» АҚ-ның өнімі деп көрсетіледі «ҚазАвтоӨндіріс» одағында: 6928 автокөлік сатылды, бұл отандық жеңіл автокөлік сатылымының 59,9%-ын құрайды. «Аллюр» компаниялар тобына кіретін «СарыарқаАвтоӨндіріс» ЖШС 3066 автокөлік өткізді. Кәсіпорынның үлесі 25,2%-ды құрады.

Қазақстанның жеңіл автокөлік өндірушілерінің ішінде екінші орынды иеленген «СарыарқаАвтоӨндіріс» ЖШС-на кіретін «Аллюр» компаниялар тобы» АҚ өз кезегінде мынаны мәлімдеді: «Біздің компания автокөліктің бағасын былтырғы деңгейде сақтауға тырысады. Тек қажеттілік туып жатса ғана автокөлік бағасы сәл жоғарылайды»,  - дейді компания баспасөз қызметі. Еске сала кетейік, бұл компания SsangYong, JAC, Peugeot сынды брендтердің автокөліктерін шығарады.

Бүгінде ҚАБҚ (Қазақстан автобизнес қауымдастығы – автордың ескертпесі) мәліметі бойынша отандық жеңіл автокөліктің құны 4,3-5,3 млн теңге шамасында тұрақтап тұр. Құны үш млн теңгеге дейінгі автокөліктер келесідей маркалар бойынша ұсынылады: Lada – алты модель, UAZ – бес модель, Renault, Geely және Daewoo брендері үш модельден ұсынады.

2016 жылдың қарашасында жалпы сатылым көлемінде Отанымызда құрастырылған автокөліктерінің үлесі 31%-ға жетті, 2015 жылдың қарашасында 17% болған. Орташа есеппен алғанда  өткен жылдың ішінде отандық өндірушілердің сатылым көлемінде 20-25% шамасында болды. Ең жоғары көрсеткіш 2016 жылдың тамыз айында орын алды.

Татьяна Шестакова 

Тегтер:

inbusiness.kz-ті қараңыз, оқыңыз :

1,1 млрд теңге айыппұл салынды

Шетелдік нөмір таққан автокөлік жүргізушілері 132 адамды мерт қылды. 

21 Қаңтар 2020 10:58 5112

1,1 млрд теңге айыппұл салынды

Ел аумағында шетелдік нөмір таққан 100 мыңнан астам автокөлік жүйткіп жүр. Есепке алынбағандықтан, олардың жүргізушілері салық төлемейді және жол ережесін бұзған жағдайда айыппұл арқаламайды. Осыны біліп алған көлік жүргізушілері сырттан әкелген автокөліктерінің шетелдік нөмірлерін Қазақстанның мемлекеттік нөміріне ауыстырмауға тырысады.

«Даудың басы – Дайрабайдың көк сиыры» демекші, бұл жерде таяқтың екі ұшы бар екенін назардан тыс қалдырмау керек. Көлік жүргізушілерінің уәжіне келетін болсақ, олар шетелдік нөмірі бар автокөліктерді ел аумағынан тыс жерден арзан бағаға сатып алатындарын, Қазақстанда дәл осындай автокөліктердің бағасы қымбат екенін алға тартады. Ал мемлекеттік нөмірді  ауыстыруға асықпайтындарының себебін баж салығының қымбаттығымен түсіндіреді.

«Армения мен Қырғызстанда автокөліктің бағасы қолжетімді. Бізде баж салығы тым қымбат. Баж салығының құны шетелден сатып әкелген көліктің құныннан асып кетеді. Қымбат баж салығын төлемеу үшін шетелдік нөмірі бар автокөлікті шетелде тіркейміз. Ал ішкі істер министрлігі жүргізушілерді шетелдік нөмірі бар автокөліктерін Қазақстанда есепке қоюға міндеттеп отыр. Осындай түсініспеушілік туындамас үшін үкімет қолжетімді бағадағы автокөлік нарығын қалыптастыруы және баж салығын төмендетуге ықпал етуі тиіс», – дейді шетелдік нөмірі бар автокөлік иелері.

Рас, Қазақстан, Ресей, Беларусь елдерінде кедендік баж салығы Армения және Қырғызстанмен салыстырғанда қымбат. Себебі алдыңғы елдерде баж салығына соңғы екі елдегідей жеңілдетілген тариф енгізілген жоқ. Ал Қырғызстан мен Армения баж салығы құнының төмендігі есебінен көнерген көліктерін шетелге, оның ішінде Қазақстанға жөнелтіп жатыр. Яғни біздің ел ескі көліктердің ордасына айналуда.

Қазақстан сырттан келетін ескі көліктердің тасқынына тосқауыл қою үшін салық кодексіне сәйкес, автокөлік құралдарын бастапқы тіркеу кезінде алым енгізді. Бұл туралы Индустрия және инфрақұрылымдық даму министрі Бейбіт Атамқұлов: «Сырттан әкелінетін автокөліктің өндірістен шыққанына 2 жыл толмаса, онда бастапқы тіркеу алымының көлемі небары 0,25 айлық есептік көрсеткіш немесе 663 теңге ғана болады. Шыққан уақыты 2-3 жыл аралығында болса, алым көлемі 50 АЕК-ке (132 мың 550 теңгеге) дейін артады. Ресей, Қырғызстан, Армения және басқа елдерден 3 жылдан ескі көлік алып келгендерге бұдан он есе көп, 500 АЕК (1 млн 325 мың 500 теңге) алым төлеуге тура келеді. Автокөліктің зауыттан шыққанына 5 жылдан асып кетсе, онда бастапқы тіркеу алымы 2 мың 500 АЕК-ке (6 млн 627,5 мың теңгеге) жетеді», – деп мәлімдеді.

Байқағандарыңыздай, ескі көліктерге салық көп, жаңа көліктерге аз салынады.

ІІМ полиция комитетінің ресми өкілі Ақтоты Боранованың мәлімдеуінше, ұлттық заңнама талабы бойынша басқа мемлекетте тіркеуде тұрған көлік елімізге енгізілгеннен кейін 10 күннің ішінде міндетті түрде көлік иесінің, яғни Қазақстан азаматының атына тіркеліп, мемлекеттік нөмір алуы керек.

«Шетелдік нөмір таққан автокөлік иесі «темір тұлпарына» Қазақстанның мемлекеттік нөмірін алмайтын болса, оған ҚР әкімшілік құқық бұзушылық туралы кодексінің 590 - бабы бойынша 10 айлық есептік көрсеткіш көлемінде айыппұл салынып, автокөлік айыптұрағына қойылады», – дейді Ақтоты Боранова.

Айта кетейік, Қазақстанда тіркелмеген, шетелдік нөмірі бар автокөліктер есепке алынған сәттен бастап, айыптұрағынан шығарылады.

ІІМ ресми өкілі Нұрділдә Ораздың сөзінше, былтыр шетелдік нөмір таққан автокөлік жүргізушілерінің қатысуымен 1854 жол-көлік оқиғасы тіркелген. Салдарынан 132 адам қаза тауып, 528 адам жарақат алған.

«Былтыр шетелдік нөмір таққан автожүргізушілер 90 мыңнан аса жол ережесін бұзды. Оларға 1,1 млрд теңге айыппұл салынды. Көрсетілген қаражаттың 30%-ы ғана өндірілді. Себебі жол ережесін бұзған автокөліктердің басым бөлігі ел аумағында есепке алынбаған», – деді ресми өкіл.

Абылай Бейбарыс

Былтыр Павлодарда 45 мың автокөлік тіркеуге алынған

Республика бойынша тіркелген көліктердің 3,3 пайызы Павлодар облысына тиесілі.

06 Қаңтар 2020 17:26 5741

Былтыр Павлодарда 45 мың автокөлік тіркеуге алынған

«ҚазАвтоӨнеркәсіп» Қазақстан автокөлік саласы кәсіпорындары одағының мәліметінше, 2019 жылы әкімшілік полиция органдарына 1 492 114 автокөлік тіркеуге алынған. Көрсеткіш 2018 жылмен салыстырғанда 12,2%-ға жоғары. Оның 1 385 356-сы бұған дейін тіркеуде болған көліктер. Яғни, олардың тек иелері ғана ауысқан. Ал жаңадан тіркеуге алынған көлік саны – 106 758. Аталған көрсеткіш 2018 жылмен салыстырғанда 27%-ға артып отыр.

Қолданыста болып, қайта тіркелген көліктердің 45 064-і Павлодар облысына тиесілі. Осылайша, Павлодардың жалпы республикалық деңгейдегі үлесі 3,3 пайызды құрап отыр. Ең жоғары көрсеткіш Алматы облысында тіркелген. Бір жыл ішінде бұл өңірде 210 898 автокөлік есепке алынған. Бұл республикалық деңгейдің 15,2%-ы. Ал ең төменгі көрсеткіш Солтүстік Қазақстан облысына тиесілі. Былтыр аталған облыста 31 758 көлік тіркеуге алынған. Үлеске шақсақ, 2,3% болып шығады. Павлодар облысы өңірлер арасында 13-орында тұр.

«Қайта тіркеуге алынған көліктердің үштен бірінің немесе 69,1%-ының қолданыстағы мерзімі 10 жылдан асып кеткен. 20 жылдан асқан көліктердің үлесі – 41,6%», – делінген «ҚазАвтоӨнеркәсіп»-тің хабарламасында.

Автонарықтағы жағдайға назар аударсақ, отандық автопарктің ескіріп келе жатқандығын аңғаруға болады. Мәселен, қолданыста жүрген мерзімі 20 жылдан асып кеткен көліктердің қайталама нарықтағы үлесі 2019 жылмен салыстырғанда 39,7%-дан 41,6%-ға дейін өскен. Ал нарыққа қосылғанына 1-3 жыл ғана болған көліктердің үлесі 4,5%-дан 3,5%-ға дейін төмендеген.

Еске сала кетейік, 2019 жылдың алдына ала қорытындыларына сәйкес, отандық кәсіпорындар 45 мыңнан астам көлік құрастырған. Өндіріс көлемі 2018 жылдың көрсеткіштерінен әлдеқайда жоғары. Әдеттегідей, өндіріс көлемі тұрғысынан «АЗИЯ АВТО», «СарыарқаАвтоӨнеркәсіп» секілді кәсіпорындар көш бастап тұр.

Фархат Әміренов

Тегтер:

inbusiness.kz-ті қараңыз, оқыңыз :

Жаңалықтарға жазылу: