/img/tv1.svg
RU KZ
DOW J 29 238,15 Hang Seng 27 643,95
РТС 1 538,53 KASE 2 340,49
FTSE 100 7 437,55 Мыс 5 743,06
LADA XRAY Cross Қазақстанда құрастырылады

LADA XRAY Cross Қазақстанда құрастырылады

Жобаны «АЗИЯ АВТО» жүзеге асырады.

03 Қыркүйек 2019 10:41 7071

LADA XRAY Cross Қазақстанда құрастырылады

Ресейдің ірі автоөндірушісі «АвтоВАЗ» АҚ ТМД елдерінің журналистеріне LADA XRAY Cross автокөлігін таныстырды. Шара шеңберінде тест-драйв ұйымдастырылды.

Inbusiness.kz порталының тілшісі, осы жолдардың авторы LADA XRAY Cross кроссоверін сынақтан өткізген алғашқы қазақстандық болды. Бұған дейін еліміздің бірде-бір азаматы LADA XRAY Cross кроссоверін жүргізіп көрмеген. Себебі бұл көлік біздің елге экспортталмаған, яғни әзірше сатылымда жоқ.

Калининградтағы кездесу
Нұр-Сұлтаннан Мәскеуге, Мәскеуден Калининградқа жетіп, шетелдік  әріптестермен Храброво әуежайында кездестік. Қазақстан, Қырғызстан, Өзбекстан, Беларусь елдерінен келген тілшілер тобын «АвтоВАЗ» АҚ өкілдері қарсы алып, жұмыс жоспарымен таныстырды. Осыдан соң олар бізді қаз қатар тізіліп тұрған су жаңа LADA XRAY Cross көліктеріне бастап барды.

«Құжатқа қол қойыңыз!»
Бізді автокөлікке отырғызып, қолымызға кілт бергеннен кейін «АвтоВАЗ» АҚ өкілі осылай деді. Тиісті құжаттарды рәсімдегеннен соң, бірден іске кірістік. 

Ендігі сәтте біз LADA XRAY Cross автокөлігін тізгіндеп бара жаттық.

Макс Миссананың мәлімдемесі

Crystal House қонақ үйінің мәжіліс залында өткен баспасөз мәслихатында«АвтоВАЗ» кәсіпорнының экспорт бойынша директоры Макс Миссана журналистердің сұрақтарына жауап берді.

«LADA-ның қазіргі экспорттық сатылымы ерекше қарқынға ие. Бүгінгі таңда бұл көрсеткіш 74%-ды құрап отыр. Болашақта LADA XRAY Cross Қазақстанда құрастырылады. Жобаны «АвтоВАЗ»  бен «АЗИЯ АВТО» бірлесіп жүзеге асырады», – деді ол.
Биылғы жылдың алғашқы алты айында LADA-ның ТМД-ғы сату көрсеткіші қандай болғаны төмендегі кестеде көрсетілген. Байқағаныңыздай, LADA ТМД нарығын ерекше қарқынмен жаулап жатыр.

LADA-ның Қазақстандағы, Беларусьтегі сату көрсеткіші ауыз толтырып айтарлықтай. Өзбекстан мен Әзербайжандағы нәтиже де жаман емес. Ал Қырғызстан LADA-ға биылдан бастап бет бұрды.

LADA XRAY Cross кроссоверіне келетін болсақ, «АвтоВАЗ» аталмыш автокөлікті былтыр Мәскеуде таныстырды. Ол бір жылда халықтың сүйікті «темір тұлпарына» айналып үлгерді. Осы айдан бастап LADA XRAY Cross Беларусияға, Арменияға, Әзербайжанға, Тәжікстанға, Өзбекстанға және Қырғызстанға экспортталады. Ал биылғы жылдың IV тоқсанынан бастап, Қазақстанда құрастырылып, сатылады.

Қанат Махамбет

inbusiness.kz-ті қараңыз, оқыңыз :

Еліміздің қай облыстарында ескі көлік көп

Жеңілдетілген автонесие бағдарламасымен 14 мыңға жуық көлік сатылды.

05 Сәуір 2019 11:57 12484

Еліміздің қай облыстарында ескі көлік көп

Қазақстан автобизнес қауымдастығының дерегінше, 2019 жылдың алғашқы 2 айында елімізде 39,2 млрд теңгеге 5 920 көлік құралы құрастырылған. Бұл өткен жылдың сәйкес кезеңімен салыстырғанда 38%-ға көп көрсеткіш.

Өндірістің өнімділігі жағынан «СарыарқаАвтоӨнеркәсіп» ЖШС көш бастаған. Зауыт қаңтар-ақпан айларында 1 078 жеңіл көлік құрастырып қана қоймай, Тәжікстанға 108 көлік экспорттаған.

«Азия Авто» кәсіпорны 1401 көлік құрастырса, «СемАЗ» 36 бірлік коммерциялық техника жинаған. «КАМАЗ  Инжиниринг» 48 жүк көлігін, ал  Daewoo Bus 16 автобус шығарған.

Қауымдастықтың мәліметінше, жыл басындағы 2 айда 8 837 көлік сатылған. Оның 4 898-ы отандық өндіріске тиесілі болған.

«Машина құрастыру саласы ел экономикасына мультипликативті әсер етуін жалғастырып жатыр. Бүгінгі таңда ел аумағында жүрген танымал 10 көлік брендінің 7-і отандық өнім саналады. Автокөлікті жеңілдікпен несиелендіру бағдарламасы жүзеге асырылғаннан бері 14 мыңға жуық көлік сатылды. Автонесиелендіруге бөлінейін деп жатқан 10 млрд теңге мен коммерциялық техникаға қарастырылатын лизинг  тұтынушылардың белсенділігін арттырып, көлік саудасының көлемін арттырады деп үміттенеміз», – деді Қазақстан автобизнес қауымдастығының вице-президенті Анар Мақашева. Ал «ҚазАвтоӨндіріс» Қазақстан автомобиль саласы кәсіпорындары одағы соңғы 3 айда елімізде 323 988 көлік құралы тіркеуге алынғанын және бұл көрсеткіш өткен жылдың сәйкес кезеңімен салыстырғанда 13,8% артық екенін жариялады.

«305 460 бірлік көлік құралы екінші рет тіркелді. Есепке бірінші рет алынған автокөліктердің саны 18 528 болды», – деп хабарлады одақтың баспасөз қызметі.

Белгілі болғандай, Қазақстан ескі көліктерден арыла алмаған. Есептік кезеңде екінші рет тіркелген көліктердің көрсеткіші 38,8%-ды құрап, көлік жүргізушілерінің дені зауыттан шыққанына 20 жыл болған темір тұлпарларды тақымдап жүргенін көрсеткен. Ал су жаңа көлік мінетіндердің қатары өткен жылы 4,7% болса, биыл 3,4%-ға түсіп қалған. Алматы, Түркістан облыстары мен Алматы қаласы ескі көлік көп сатылған аймақ деп танылған.

Абылай Бейбарыс

inbusiness.kz-ті қараңыз, оқыңыз :

Жаңалықтарға жазылу: