Сенат Төрағасы Мәулен Әшімбаев "Время"газетінде жариялаған мақаласында Қасым-Жомарт Тоқаев сайлау циклі аяқталғаннан кейін бірден экономикалық жүйені реформалауға кіріскенін атап өтті, деп хабарлайды inbusiness.kz сайты.
Оның айтуынша, бес жылдық реформалар өз нәтижесін бере бастаған. Шикізаттық емес экспорт көлемі 1,5 еседен астам өскен.
"Дәл осы кезеңде рекордтық көлемде тікелей шетелдік инвестиция тартылып, 117 миллиард АҚШ долларын құрады. 2019 жылдан бастап қызметтер экспорты өсті, оның ішінде көлемі жарты миллиард АҚШ долларынан асатын IT-қызметтерінің экспорты 20 есеге артты. Түбегейлі өзгерістердің уақыты келіп, бұрынғы саяси жүйенің теңгерімсіздігінен туындаған ескірген әлеуметтік-экономикалық парадигма күрделі жөндеуді қажет етті. Қасым-Жомарт Тоқаевтың 2023 жылдың қыркүйегінде жариялаған жаңа экономикалық моделі үш негізгі қағидатқа негізделген: әділдік, инклюзивтілік және прагматизм. Сонымен қатар, прагматизм бұрынғыдай кешіктірілген марапатты емес, белгілі бір уақыт шеңберіндегі нақты нәтижелерді - абстрактылы жетістіктерді емес, азаматтардың өмірінің нақты жақсаруын білдіреді", - дейді Мәулен Әшімбаев.
Мәселен, биыл қаңтарда басталған "Ұлттық қор – балаларға" бағдарламасы қазірдің өзінде 6,9 миллион баланы қамтып отыр. Бір триллион теңгеден астам мемлекет активтері қазынаға қайтарылған. Бұл қаражат республика бойынша жаңа мектептер салуға жұмсалып отыр.
"Ал экономиканы жаңғыртудың ауқымды бағдарламасы – өңдеуші өнеркәсіптен креативті индустрияға дейінгі негізгі жүйесі ашықтық пен бәсекелестікке, негізгі нарықтарды монополиясыздандыруға, ресурстарға тең қолжетімділікке бағытталған нарықтық реформаларға айналуда", - деді Сенат Төрағасы.
