BBS Sport арнасының журналисі Низар Кинселла Дастан Сәтбаевтың трансферіне байланысты ақпаратпен бөлісті.
–"Челси" Страсбургтің жас қорғаушысы Мамаду Саррды £11,9 миллионға сатып алу туралы келісімге қол қойды. Бұл алдын ала келісілген трансфер. Сонымен қатар, 16 жастағы қазақстандық жас шабуылшы Дастан Сәтбаев "Челси" академиясына қосылады, – деп жазады Низар Кинселла Х әлеуметтік желісінде.
Айта кетейік, 16 жастағы Дастан Сәтбаев ресми түрде академияға алынғаннан кейін, "Челсидің" U-18 командасында өнер көрсетеді.
Дастан Сәтбаев 2008 жылы 12 тамызда Алматы қаласында дүниеге келген қазақстандық футболшы. 16 жасында шабуылшы ретінде "Қайрат" клубының жастар құрамасында ойнады. 2024 жылы "Қайрат" U-18 құрамасында 12 матчта 19 гол соғып, 6 нәтижелі пас берді. Сонымен қатар, Қазақстанның U-17 жастар құрамасында Еуропа чемпионатының іріктеу матчтарына қатысты.
