/img/tv1.svg
RU KZ
DOW J 23 724,20 Hang Seng 24 275,22
FTSE 100 5 842,66 KASE 2 249,72
РТС 1 140,44 Өнеркәсібі 1 484,00
Нұр-Сұлтан қаласында 752 адам стационарда жатты

Нұр-Сұлтан қаласында 752 адам стационарда жатты

Науқастармен қарым-қатынаста болған барлық тұлғалар табылды.

17 Наурыз 2020 18:37 971

Нұр-Сұлтан қаласында 752 адам стационарда жатты

Автор:

Қанат Махамбет

Нұр-Сұлтан қаласының әкімі Алтай Көлгінов бас шаһарда коронавирустың таралуына қарсы қандай шаралар қабылданғанын мәлімдеді.

«Өкінішке қарай, Нұр-Сұлтан қаласында короновирус инфекциясын жұқтырған науқастардың саны 17 адамға жетті. Аурудың таралуына тосқауыл қою үшін қала бойынша қауіпсіздік шаралары күшейтілді. Науқастармен қарым-қатынаста болған тұлғалардың барлығы табылды. Олар арнайы орындарға жатқызылды. Қазір лабараториялық зерттеу жүргізіліп жатыр. 28 қаңтар мен 16 наурыз аралығында стационара 752 адам жатты. Қазір ол жерде 318 адам карантинде. Диагностика жасап, емдеу үшін 1051 медициналық орын белгіленді.Қажет болған жағдайда қосымша дәл осындай орын дайындалады», – деді Алтай Көлгінов.

Естеріңізге салайық, бүгін елорда да, короновирус инфекциясын жұқтырған  тағы 14 науқас тіркелді. Олар стационарлық карантинге жатқызылды.

Сондай-ақ бүгін сағат 15:00-ден бастап «Хан Шатыр» сауда ойын-сауық орталығының қызметі уақытша тоқтатылды. Ал Astana Group президенті Нұрлан Смағұлов MEGA сауда ойын-сауық орталықтары желісінің жабылатынын жариялады.

Айта кетейік, соңғы ресми дерек бойынша, ел аумағында коронавирус инфекциясын жұқтырған науқастардың саны 32-ге жетті. Нұр-Сұлтанда - 17,  Алматыда - 15 науқас анықталды.

Елімізде 16 наурыз таңғы сағат 08.00-ден бастап  30 күндік төтенше жағдай жарияланды. 

19 наурыз сағат 00:00-ден бастап Нұр-Сұлтан, Алматы қалалары карантинге жабылады. Президент жанындағы төтенше жағдай режимін қамтамасыз ету жөніндегі мемлекеттік комиссия Қазақстанның басқа қалаларына коронавирустың таралуына жол бермеу үшін осындай шешім қабылдады.

Екі мегаполисте де адамдардың қозғалысымен қалаға автокөліктердің кіріп-шығуы шектеледі. Қоғамдық көліктердің қозғалысы күндізгі уақытта тоқтайды немесе шектелуі мүмкін, ал түнде мүлде жүрмеуі мүмкін.

Азық-түлікке жатпайтын тауар базарларын, азық-түлік пен дәрі-дәрмек сататын нысандарды қоспағанда, ірі сауда-ойын сауық орталықтары мен сауда үйлерінің жұмысы уақытша тоқтатылады. Халыққа қызмет көрсету орталықтарының жұмыс режимі қайта ұйымдастырылады.

Арнайы емдеу мекемелері үш санат – вирус жұқтырғандар, инфекцияға күдіктілер мен карантинге алынғандар бойынша үздіксіз жұмыс істейді.

Қоғамдық тамақтану орындары «клиентке дейін жеткізу» қағидатына көшеді.

Қанат Махамбет

inbusiness.kz-ті қараңыз, оқыңыз :

Карантиндегі ауыл шаруашылығы саласы: шектеулер кезеңіндегі сектор жұмысы

«Төтенше жағдай режимі: бизнес және мемлекет» телемарафонының  төртінші шығарылымы. 

10 Сәуір 2020 11:25 112

Карантиндегі ауыл шаруашылығы саласы: шектеулер кезеңіндегі сектор жұмысы

Төтенше жағдай кезінде ауыл шаруашылығы саласы қалай жұмыс істеуде? Шаруаларға жанар-жағармай мен қаржылық қолдау жеткілікті ме? Сағат 11:30-да ATAMEKEN BUSINESS арнасының тікелей эфирінде болатын телемарафонға қатысушылар осы тақырып төңірегінде ой өрбітпек. Бағдарламаға «Атамекен» Ұлттық кәсіпкерлер палатасының және салалық қауымдастықтар өкілдері, шаруалар қатысады.

«Төтенше жағдай режимі: бизнес және мемлекет» телемарафоны ATAMEKEN BUSINESS арнасы мен  «Атамекен» ҰКП-ның бірлескен жобасы. Бағдарлама барысында бизнес өкілдері мен сарапшылар өзекті тақырыптарды онлайн форматта талқылайды.

 Құралай Құдайберген

1 268 кәсіпкер әкімшілік жауапкершілікке тартылды

Қазақстан кәсіпкерлерінің құқығын қорғау жөніндегі уәкіл кәсіпкерлерді қатаң жазаламауды сұрады. 

08 Сәуір 2020 13:04 1083

1 268 кәсіпкер әкімшілік жауапкершілікке тартылды

Наурыз айының 15-і мен сәуір айының 3-і аралығында төтенше жағдай режимiн бұзғаны үшін 1 268 кәсіпкер әкімшілік құқық бұзушылық кодексінің 476-бабы бойынша жауапкершілікке тартылды. 748 адамға айыппұл салынып, 472 адам әкімшілік қамауға алынды. 48 адамға ескерту жасалды.

Жоғарыдағы бап бойынша төтенше жағдай режимiн бұзған тұлғаларға ескерту жасау, 10 айлық есептiк көрсеткiш мөлшерiнде айыппұл салу немесе  15 тәулікке әкімшілік қамаққа алу сынды тәртіптік шара қолданылуға тиіс. Өздеріңіз көріп отырғандай, құзырлы органдардың өкілдері қатаң шараға жүгінгенді жөн көрген. Яғни «шаш ал десе, бас ал» деп түсінген.

Мысалы, Петропавл қаласының мамандандырылған әкімшілік соты кәсіпкер Н. Бимберин мен Н.Ульманды дүкендерінде жадынама мен бетперде  таратпағаны үшін 5 тәулікке қамау туралы шешім шығарған. 1 сәуірде Ақмола облысы Жақсы аудандық сотының қаулысымен Жақсы ауылының үш кәсіпкеріне дәл осындай шара қолданылған. Кәсіпкерлерге дәмханада дезинфекция жүргізу үшін міндетті үзіліс жарияланбаған, дүкендерде желдету кестесі болмаған деген айып тағылған. Ақтау қаласының әкімшілік соты көпбалалы және әлеуметтің осал тобына жататын отбасыларға көмек көрсетіп, қайырымдылық шарасын ұйымдастырған кәсіпкерді 5 тәулікке қамап тастаған. Полицияның пікірінше, адамдар топталып, бір жерге жиналған, яғни төтенше жағдай режимінің талабын бұзған.

Қазақстан кәсіпкерлерінің құқығын қорғау жөніндегі уәкіл Рустам Жүрсінов жоғарыдағы сорақылықтарды жіпке тізіп, Жоғарғы сот төрағасы Жақып Асанов пен Ішкі істер министрі Ерлан Тұрғымбаевқа хат жолдады.

«Төтенше жағдай кезінде кәсіпкерлердің қамауға алынуы шектеу шараларының әсерін күшейтеді және әлеуметтік-қоғамдық шиеленісті ушықтырады. Бизнеске онсыз да оңай тиіп жатқан жоқ. Бұл жағдай оларды тығырыққа тірейді. Кәсіпкерлерді әкімшілік қамауға алу шарасын 10 айлық есептiк көрсеткiш мөлшерiнде айыппұл салу немесе ескерту жасау шарасымен алмастыруды сұраймыз», – деп жазды Рустам Жүрсінов.

Айта кетейік, бұған дейін Қазақстан кәсіпкерлерінің құқығын қорғау жөніндегі уәкіл Премьер-министрдің бірінші орынбасары - қаржы министрі Әлихан Смаиловқа да хат жолдады. Бұл туралы Рустам Жүрсінов: «Біз төтенше жағдай кезінде кәсіпкерлердің статистикалық есеп беру мерзімін шегеруді сұрадық. Бұл ұсынысымыз мақұлданған жоқ, алайда кәсіпкерлер әкімшілік жауапкершілікке тартылмайтын болды. Дәл қазіргі сәтте осының өзі кәсіпкерлер үшін жағымды жаңалық болып тұр», – деді.

Абылай Бейбарыс

inbusiness.kz-ті қараңыз, оқыңыз :

Жаңалықтарға жазылу: