– Оле Сіз неге кілең жастарды алып келдіңіз? Оның себебі неде?
– Жастарға уақыт берейік дедік. Джесси Лингард, Люк Шоу секілді ойыншыларды да алып келіп отырмыз. Тәжірибиелі ойыншылардың барлығы шаршағаны рас. Сондықтан да, жас футболшылардың алаңға шығып тұрғаны жөн.
– Алысқа сапар шектіңіздер, командаға бұл жағдай қалай әсер етуде?
– Уақыт айырмашылығы аса қатты көп емес екен. Барлығы жергілікті уақытқа икемделіп жүр. Түн ортасында ұйқысыз жүрсек таңқалмаңыздар, біз әлі де бой үйретіп жатырмыз.
– "Астанаға" қарсы ойынға кілең жастарды алып келдіңіз. Мұнда жанкүйерлер жергілікті командаға қолдау көрсетеді, сонымен қатар мұнда жасанды алаңда өнер көрсетесіздер. Жеңіліп қаламыз деп қорықпайсыз ба?
– Ойын әділ өтсе болды. Англияда бізге жеңіл болды. Ал енді сырттағы матч ауыр өтетіні анық. Жастарымыз сырттағы алаңға ойнап үйренісе берсін деп отырмын.
Ермұхамед Мәулен
