1500 метрге әйелдер арасындағы жарыста Ольга Тихонова 2:34.146 нәтижесімен жартылай финалға жолдама алды. Дәл осы қашықтықта сынға түскен Алина Ажғалиева мен Малика Ермек ширек финалда жеңілгендерімен, жартылай финалға шығу мүмкіндігін әлі де сақтап отыр.
Әділ Ғалияхметов пен Глеб Ивченко 1000 метрде, ал әйелдер арасында Яна Хан 500 метрде ширек финал жолдамасын сарапқа салады.
Ал 5000 метрлік ерлер эстафетасы мен микст қашықтықтарында біздің спортшыларға іріктеуден өту бұйырмады.
Айта кетейік, әлемдік турдың алғашқы төрт кезеңі – іріктеу кезеңдері. Олардың қорытындысы бойынша 2026 жылғы XXV қысқы Олимпиадалық ойындарға берілетін жолдамалар үлестіріледі. Сондықтан бұл кезең өте маңызды, және спортшылардың жоғары нәтижелері шешуші рөл атқарады. Турнирге 42 елден 258 спортшы қатысуда.
