Парижде өтіп жатқан Олимпиада ойындарында Александр Недовесов – Александр Бублик жұптық сында өнер көрсетті, деп хабарлайды inbusiness.kz сайты.
Қазақстандық жұп алғашқы айналымда бразилиялықтар Тьяго Монтейро – Тьяго Уайльдпен бетпе-бет келді.
Бірінші партияда есеп 3:3 болған мезетте бразилиялық дуэт брейк жасап кетті – 6:4. Екінші сетте есеп 4:4 болғанда, тағы бір брейкке қол жеткізген Монтейро – Уайлд матчты жеңіспен түйіндеді – 6:4.
Бір сағат 15 минутқа созылған бәсеке барысында Недовесов – Бублик 3 эйс жасағанымен, 4 брейк-пойнтты пайдалана алған жоқ. Қарсыластары 4 эйс, 2 брейкпен көзге түсті.
Осылайша, Париж Олимпиадасы қазақстандық теннисшілер үшін өте сәтсіз аяқталды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
