DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 286,33 Brent 36,55
Оңтүстікте баспанаға мұқтаж 10 отбасы үйлі болды

Оңтүстікте баспанаға мұқтаж 10 отбасы үйлі болды

Түркістан облысында қайырымдылық акцияларын өткізуде жағдайы жақсы азаматтардың белсенділігі зор.

17 Маусым 2019 11:25 8135

Оңтүстікте баспанаға мұқтаж 10 отбасы үйлі болды

Автор:

Нағашбек Алданов

Жергілікті кәсіпкерлер, сыртта жүрген жерлестер және мектеп түлектері қайырымдылық жасап, тұрмысы төмен көпбалалы баспанасыз отбасыларға үй салып беріп жатыр.

Мысалы, жақында ғана ауыл мектебінің бұрынғы түлектері жиылып, бір отбасыға үй тұрғызып және жиһаз әперген қайырымды істер Отырар, Созақ аудандарында болды. Ал Ордабасы ауданы Шұбарсу ауылының тұрғындары жыл сайын бірнеше отбасыға асарлатып үй салып беруді дәстүрге айналдырған.

Аймақтағы өзгелерге үлгі боларлық қайырымды кәсіпкердің бірі Сырым Ертаев. Кәсіпкер мұқтаж жерлестеріне қол ұшын беріп көмектесуді өзінің азаматтық парызы санап, бірнеше жылдан бері демеушілік әрекетін ұлғайтып келеді. Ол аудандағы тұрмысы төмен 500 отбасыға бес миллион теңгенің көлемінде азық-түлікті сыйға тартқан.

Сырым Ертаев соңғы екі-үш жылда баспанаға мұқтаж он отбасыға өз есебінен он үй салып берді. Мұндай бақытқа кенелген отбасыларды айтсақ, Қазығұрт ауданындағы екі алтынтөбелік, үш қарабаулық, екі жаңабазарлық, бір жігергендік және екі қазығұрттық көпбалалы мұқтаж жанұялар баспаналы болды. 

Нағашбек Алданов

inbusiness.kz-ті қараңыз, оқыңыз :

9 мың жас азамат жалға берілетін тұрғын үй алады

ТМД елдері арасында Қазақстанда ең көп баспана салынған.  

28 Ақпан 2020 19:56 3828

9 мың жас азамат жалға берілетін тұрғын үй алады

Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитетінің төрағасы Мархабат Жайымбетов еліміз тұрғын үй салу бойынша ТМД елдері арасындағы ең жоғары көрсеткішке ие екенін мәлім етті.

Мархабат Жайымбетовтың айтуынша, тұрғын үйді пайдалануға беру көрсеткіші бойынша еліміз Тәуелсіз мемлекеттер достастығы елдері арасында ең жоғары көрсеткішке қол жеткізген. 18,3 млн адам бар елімізде бір тұрғынға баспана беруі – 0,71 шаршы метр. Ресейде – 0,54 ш.м., Белоруссия – 0,40 ш. м., Өзбекстан – 0,36 ш. м.

Мархабат Жайымбетов халықтың әлеуметтік осал топтарының тұрғын үй мәселесі ерекше бақылауда тұрғанын айтты.

«Мемлекет басшысының тапсырмасы бойынша үш жыл ішінде әсіресе аз қамтылған көпбалалы отбасыларды баспанамен қамтамасыз етуді жоспарлап отырмыз. Бұл үшін тұрғын үй заңдарына заңнамалық түзетулер енгізілді және «Нұрлы жер» бағдарламасы арқылы қаржыландыру тетіктері көзделген. Осы санаттағы 40 мыңнан астам кезекте тұрғандардың ішінде 2019 жылы түрлі тетіктер арқылы 7 387 отбасы тұрғын үймен қамтамасыз етілді», – деді комитет төрағасы.

Баспана беруде жастарға да көңіл бөлінуде.

«Елбасы жариялаған Жастар жылы аясында Нұр-Сұлтан, Алматы және Шымкент қалаларында жұмыс істеп жатқан жастардың тұрғын үй мәселесін шешу шаралары қабылданды. 2019-2021 жылдары жастардың 9 мың азаматын жалға берілетін тұрғын үймен қамтамасыз ету көзделіп отыр, 5 жылдық кезеңде осындай пәтерлерде тұрып, тұрғын үй құрылыс жинақ жүйесі бойынша өз тұрғын үйіне қаражат жинауға міндетті. 2019 жылы мұндай баспана 3004 қатысушыға берілді», – деді Мархабат Жайымбетов.

Нұржан Көшкін

 

15 баласы бар отбасыға 159 мың теңге төленеді

Биыл ана мен баланы қолдауға 559 млрд теңге бөлінді.   

17 Ақпан 2020 11:18 1551

15 баласы бар отбасыға 159 мың теңге төленеді

Еңбек және халықты әлеуметтік қорғау министрлігінің алқа отырысында 2020 жылдың 1 қаңтарынан бастап көпбалалы отбасыларға табысына қарамай төленіп жатқан мемлекеттік жәрдемақының тағайындалу тәртібіне өзгеріс енгізілетіні жарияланды. 

Министр Біржан Нұрымбетов алдағы уақытта 8 және одан көп баласы бар отбасылар мемлекеттік жәрдемақыны бала санына қарай алатынын айтты. 

«Қазіргі уақытта 7 баладан әрі қарай біркелкі мөлшерде жәрдемақы жоқ. Сондықтан енді 8 және одан көп баласы бар отбасыларға да біркелкі жәрдемақы беру қарастырылды. Мысалы, 8 балаға - 85 мың теңге, 10 балаға - 106 мың теңге, 15 балаға - 159 мың теңге төленеді», – деді министр.

Естеріңізге салайық, қаңтар айынан бастап кәмелетке толмаған төрт және одан да көп балалары, оның ішінде 23 жасқа дейін студент балалары бар отбасыларға төленетін мемлекеттік жәрдемақы көлемі 4 балаға – 42 496 теңге, 5 балаға – 53 127 теңге, 6 балаға – 63 757 теңге, 7 және одан көп балаға – 74 388 теңге болып бекітілген. 8 және одан көп баласы бар отбасыларға  – 74 388 теңге тағайындалған болатын. Олар бұдан артық ақша алмайтын. 

Министрдің мәлімдеуінше, бүгінгі таңда 370 мың көпбалалы отбасы табысына қарамай мемлекеттік жәрдемақы алып отыр. 

«Былтыр ана мен баланы қолдауға 372 млрд  теңге бөлінді. Биыл бұл мақсатқа 559 млрд теңге қарастырылды. Көпбалалы отбасыларды қолдау көлемін әлі де көбейту керек деп ойлаймыз. Жәрдемақының түрлері мен оны төлеудің мерзімін ұлғайтуды қарастырып жатырмыз», – деді Біржан Нұрымбетов.

Қанат Махамбет

inbusiness.kz-ті қараңыз, оқыңыз :

Жаңалықтарға жазылу: