DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 314,56 Brent 36,55
Өз тобында соңғы орында

Өз тобында соңғы орында

Алматылық «Қайраттың» Еуропадағы жетістіктерінің арқасында Алматы қаласы футзалды жақсы көріп қалды. 

25 Қараша 2019 01:55 1564

Өз тобында соңғы орында

Автор:

Ермұхамед Мәулен

Сондықтан болар, «Қайраттың» Чемпиондар лигасындағы алғашқы ойынында «Балуан Шолақ» спорт кешені жанкүйерге толы болды.

Алғашқы қарсылас испанияның «Эль-Посо» командасы еді. Матч бастала салысымен испаниялықтар шеберліктерін көрсетіп, алматылық ұжымнан еш қалыспайтынын байқатты. Уақыт өте келе алаңға бой үйреткен мурсиялықтар басымдылық көрсете бастады. Себебі, бірінші тайм аяқталар тұста қонақ команда ойыншысы Фернан есеп ашты. Үзілістен оралған алматылық команда ойынды сәл өзгертіп еді, нәтижеге жетті. Луизиньо керемет комбинациядан соң таразы басын теңестірді. Алайда испаниялық команданың шабуылшысы Маттеус ойын аяқталуға 6 минут қалғанда тағы бір гол салып, командасын жеңіске жетеледі. «Қайрат» амалсыз тәуекелге бел буды. Бірақ, Алекс шапшаң қимылдап «Қайраттың» үмітін үзді. Ал Альбертоның төртінші голы «Қайраттың» биылғы маусымда осал екенін байқатты.

Екінші матчта «Қайрат» италияның «Песаро» командасымен кездесті. Кака шәкірттері кездесуді жақсы бастады. 5-минутта Эдсон есеп ашты. Бірақ, Италиялықтар 10-минутта Фелипе Тониданделдің арқасында таразы басын теңестірді. Сосын Салас қонақтарды алға шығарды. Екінші таймның бастапқы бөлігінде италиялық команда бар білгенін көрсетті. Жулио Оливейра есепті 3:1 қылды. Енген доптардың біршамасында қақпашы Игитаның да қателігі болғанын айта кетуіміз қажет. Қақпашы ауысқан соң «Қайраттың» ойыны түзелгендей көрінді. «Қайрат» екінші ойын қатарынан жеңілетін болды деп есептеп отырғанда, керемет камбэк орын алды. Эдсон есеп айырмасын қысқартып еді, артынша Габриель тоблодағы көрсеткішті 3-1 қылды. Ал сосын Луизиньо «Қайратты» алға шығарды. Шабуылшы Біржан Оразов болса матчқа нүкте қойып, есепті 5-3ке жеткізді.

Соңғы ойын күнінде турнирлік кесте шамамен түсінікті еді. Алматылық команда «Төртеудің финалына» өту үшін испанияның «Мурсиясы» жеңіліп қалу тиіс болатын. Италиялық «Песаро» бұл ойында 3-3 тең ойнауға ғана шамасы жетті. Сондықтан да жалғыз жолдаманы «Мурсия» иеленіп кетті. Сосын «Қайрат» португалиялық «Бенфикамен» кездесіп, кішігірім жолдастық матч ойнады. Себебі, бұл матчтың нетәижесі турнирлік маңыздылықтан айырылып қалған болатын. Коэлью 2-минутта есеп ашты. Дегенімен алматылық команда сапынан Дуглас белсеніп, есеп қайта теңесті. Сосын Дуглас тағы бір гол салып, жанкүйерлерді бір қуантты. Бірақ, «Бенфика» да қарап жатпай, шабуылды нәтижелі аяқтады.

Екінші таймда Тайеби «Қайратты» жеңіске жетелеп, гол авторы атанды. Бірақ, қонақтар матч соңында ғаламат дәлдік көрсетіп есепті 5-3 қылды. «Қайрат» өз тобында соңғы орынды алып, финалдық кезеңге өте алмады.

Ермұхамед Мәулен

 

inbusiness.kz-ті қараңыз, оқыңыз :

«Қайрат» пен «Спортинг» – Чемпиондар лигасының финалында

Алматыда футзалдан Чемпиондар лигасының жартылай финалдық ойындары өтті.

27 Сәуір 2019 09:50 856

«Қайрат» пен «Спортинг» – Чемпиондар лигасының финалында

Фото: uefa.com

Футзалдан Чемпиондар лигасының шешуші ойындары Алатау бөктеріндегі «Алматы Арена» спорт кешенінде өтіп жатыр. Жалпы, UEFA-ның осы додасының финалдық матчтары Алматыда үшінші рет ұйымдастырылып отыр. Бұған дейін 2011 және 2017 жылдары футзалдан Еуропаның ең үздік төрт командасы қазақ жерінде додаға түскен болатын.

Чемпиондар лигасының биылғы финалдық ойындары өте қызықты басталды. Әдеттегідей, әуелі жартылай финалдық ойындар өтті. Сайдың тасындай іріктелген төрт клуб жеребе тарту арқылы екі жұпқа бөлінген болатын: «Интер» (Испания) – «Спортинг» (Португалия) және «Барселона» (Испания) – «Қайрат» (Қазақстан).

Әуелі алаңға «Интер» мен «Спортинг» шықты. Тартысты өткен матчта 5:3 есебімен Португалия клубы жеңіске жетті. Сөйтіп, олар финалға шықты. Айтпақшы, бұл команданың сапында сегіз жыл «Қайраттың» намысын қорғаған, әрі Қазақстан азаматтығын алып, ұлттық құрамамыздың белді ойыншысына айналған Лео да ойнады.

Бұдан кейін «Алматы Арена» алаңына «Барселона» мен «Қайрат» шығып, көрермендерді қызыққа бөледі. Бірінші таймда есеп ашылмағанымен, матчтың екінші бөлігінде жеті гол соғылды. Әсіресе соңғы екі жарым минут шектен тыс шиеленісті өтіп, екі команда бір-бірінің қақпасына бес доп салды. Жалпы есеп – 5:2. «Қайрат» – финалда.

«Қайрат» екінші таймның басында қонақтарының қорғаныстағы қателігін пайдаланып, есеп ашты. Көп ұзамай тағы бір доп салып, есепті еселей түсті. Матч аяқталуға айналғанда, қонақтардың бір ойыншысы алаңнан қуылды. Басқа амалы қалмаған «Барселона» соңғы минуттарда қақпашысын бесінші ойыншыға алмастарып, тайлы-таяғымен шабуылға көшті.

Міне, осыдан кейін доп додасы өзгеріп сала берді. «Қайрат» тәуекелге бел буып, алға қарай лап қойған қонақтарының қақпасына үш гол соқты. «Барселона» артық ойыншымен шабуылдауға көшіп, екі доп салды. Осылай, Испанияның екінші клубы да финалға шыға алмады. «Қайрат» болса, өз жерімізде бірінші рет бас бәйгені сарапқа салу құқығына ие болды.

Айтпақшы, осы матчта футзалдан UEFA Чемпиондар лигасының рекорды жаңартылды.  «Барселона» – «Қайрат» матчына 12 090 көрермен келіпті. 2015 жылғы «Спортинг» пен «Барселона» арасындағы Лиссабонда өткен жартылай финалдық матчпен салыстарғанда, 14 адам артық болған. Жаңа рекорд! Финалға бұдан да көп көрермен жиналса, таң қалмаймыз.

UEFA Чемпиондар лигасы. Жартылай финал

«Спортинг» – «Интер» – 5:3

«Қайрат» – «Барселона» – 5:2

Голдар: Тайеби, 21:21 (1:0). Тайнан, 27:00 (2:0). Джон Леннон, 37:37 (3:0). Лосано, 38:27 (3:1). Эдсон, 39:04 (4:1). Диего, 39:16 (4:2). Дуглас, 39:52 (5:2).

Алаңнан қуылды: Хоселито, 36:06 («Барселона»)

Финалдық ойындар. 28 сәуір, жексенбі

3-орын үшін: «Интер» – «Барселона» – 17:30

Финал: «Қайрат» – «Спортинг» – 20:00

Маруан Түсіп

«Ақтөбенің» футболы «таусылса», футзалы бар

Футзалдан Қазақстан кубогін тұңғыш рет «Ақтөбе» клубы жеңіп алды.

21 Желтоқсан 2018 16:46 1876

«Ақтөбенің» футболы «таусылса», футзалы бар

Фото: kff.kz

Биыл футзалдан Қазақстан кубогі додасы Щучинскіде өтіп, оған қазан айында өткен іріктеу турнирінде үздік шыққан алты команда қатысқан болатын. Атап айтқанда, «Қайрат» (Алматы), «Ақтөбе» «Аят» (Рудный), «Жетісу» (Талдықорған) «Оқжетпес» (Көкшетау), «Динамо-Қызыл-Жар» (Петропавл) футзалшылары финалдық кезеңде бақ сынады.

Әуелі олар екі топқа тең бөлініп, бір айналымдық жүйемен кездесіп шықты. Топтық ойындардың қорытындысы бойынша төрт команда жартылай финалға шықты. Бір топтан «Қайрат» пен «Аят», ал екіншісінен «Жетісу» мен «Ақтөбе» шығып, ел кубогін сарапқа салу құқығына ие болды.

Қызық болғанда, жартылай финалдың бір жұбында «Қайрат» «Ақтөбеге» жол беріп алды. Соңғы жылдары ел ішінде ешбір ұжымға дес бермей жүрген УЕФА кубогінің екі дүркін иегері финалға шыға алмай, жер шұқыды. Матч 2:2 есебімен аяқталып, пенальти сериясында ақтөбеліктердің бағы жанды – 6:5.

Екінші жұптағы «Жетісу» мен «Аят» арасындағы матч та шектен тыс шиеленісті болды. Мұнда да, ойынның негізгі уақыты 2:2 есебімен аяқталған. Бірақ пенальтиге жүгінудің қажеті болмады. Себебі «Аят» қосымша уақытта (экстра-таймда) бір гол соғып, жеңісті жұлып әкетті.

Әуелі үшінші орынға «Қайрат» пен «Жетісу» таласып, алматылықтар 4:2 есебімен басым түсті. Сөйтіп, соңғы жеті жылда бірінші рет финалға шыға алмай, қола жүлдені қанағат тұтты. Естеріңізге сала кетейік, 2012 жылы бас бәйгені Қарағандының «Тұлпары» жеңіп алған болатын.

Ал 2018 жылғы Қазақстан кубогінің финалында «Ақтөбенің» айдарынан жел есті. Олар шешуші матчта «Аятты» 2:1 есебімен ұтып, бірінші рет ел кубогін жеңіп алды. Олег Солодовник жаттықтыратын команда жеңіске деген жігерліктің үлгісін паш етіп, азуы алты қарыс «Қайратты» жолынан тайдырғанының өзі – өте маңызды жетістік!

Маруан Түсіп

inbusiness.kz-ті қараңыз, оқыңыз :

Жаңалықтарға жазылу: