Бүгін Астанада парадзюдодан әлем чемпионаты аяқталды. Үш күнге созылған жарысқа 38 елден 300-ден астам спортшы қатысты.
Жарыстың шешуші күнінде Қазақстан ерлер құрамасы командалық жарыста финалдық айқаста Бразилияны жеңіп, әлем чемпионы атанды.
Негізгі белдесулерде командалар алма-кезек жеңіспен алмасты. Ал соңғы кездесуде Жұрқамырза Шукурбеков Париж Паралимпиадасының қола жүлдегері Марсело Касанованы вазари әдісімен басым түсті
Сондай-ақ, Қазақстан әйелдер құрамасы жарыс жолында Түркия, Үндістан, Өзбекстан елдерін жеңіп, тек Бразилияға есе жіберді. Айналмалы жүйе бойынша өткен белдесулердің қорытындысында чемпиондық атақ қазақ қыздарына бұйырды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
