Жарыс жолына алғашқы болып тау шаңғысынан Захар Кучин шықты. Өкінішке орай ол жарысты аяқтай алмады. Дегенмен оның тағы бір мүмкіндігі бар. Елорда уақытымен 11:15-те Захар тағы бір бағын сынап көреді.
Ал 15:00-де 10 шақырымдық биатлоннан әйелдер арасында өтетін финалдық сайысқа Галина Вишневская-Шепоренко қатысады.
Нұр-Сұлтан уақытымен 16:45-те 12.5 шақырымдық биатлон жарысында ерлер арасында финалда Александр Мухин бағын сынап көреді.
Сондай-ақ фристайл-акробатикадан іріктеу өтеді. Оған еліміздің атынан Жанбота Алдабергенова мен Ақмаржан Қалмурзаева қатысады. Іріктеу сайыстары елорда уақытымен 17:00-ге жоспарланған.
Шорт-тректен 500 метр қашықтықта ерлер арасында ширек финалдық, жартылай финалдық және финалдық жарыстар өтеді. Оған еліміздің атынан бірден үш спортшы Абзал Әжіғалиев, Денис Никиша және Әділ Ғалиахметов қатысады. Сайыстар 17:00-де басталады.
Бүгін қазақстандық спортшылардан соңғы болып Екатирина Айдова жарысты аяқтайды. Ол 500 метр қашықтықта конькимен жүгіруде әйелдер арасында өтетін финалға қатысады. Сайыстар 19:56-да басталады.
Ермұхамед Мәулен
