Президент конституциялық құқығын оқушылар сарайында орналасқан №58 сайлау учаскесінде жүзеге асырды.
Біле жүріңіз, мәжіліс депутаттарының сайлауында "Ауыл", Nur Otan, Қазақстан Халық партиясы, ADAL, "Ақ жол" сынды 5 саяси партия бақ сынауда. Аты аталған саяси ұйымдар мәслихат сайлауына да кандидаттарын қосты.
Мәжіліске 5 партиядан 312 үміткер ұсынылды. Оның ішінде "Ауыл" партиясынан - 19, Nur Otan партиясынан - 126, ADAL партиясынан - 16, Қазақстан Халық партиясынан - 113, "Ақ жол" партиясынан - 38 үміткер бар.
Мәслихат депутаттығына барлығы 832 азамат үміткер болды. Оның 158-і - "Ауыл", 216-сы Nur Otan, 215-і ADAL, 69-ы Қазақстан Халық партиясының, 215-і
"Ақ жол" партиясының өкілі.
Айта кетейік, сайлау учаскелерінің барлығында санитарлық талап сақталған.Кіреберістерге термометр орнатылған. Сайлаушыларға медициналық бетперде тегін беріліп жатыр.
Қанат Махамбет
