Western & Southern Open турниріндегі алғашқы кездесуде Путинцева Әлемнің 36-ракеткасы қытайлық Чжан Шуайды 6:4, 6:3 есебімен ұтты. Осылайша қазақстандық теннисші қыз келесі кезеңге өтті. Ол 2-айналымда Әлемнің WTA рейтигнгінде 33-орында тұрған Греция өкілі Мария Саккариге қарсы кортқа шығады.
Ал Western & Southern Open жарысында ерлер санаты бойынша тағы бір қазақстандық теннисші Александр Бублик сынға түсті. Бірақ, ол ресейлік Карен Хачановқа ұтылып қалды. 1 сағат 24 минутқа созылған жарыс 4:6, 4:6 есебімен аяқталды. Бублик алты эйс жасап, 1 рет ойынды допқа қосу барысында қателесті. Хасанов екі брэк пойнт жасап, қателікке жол берген жоқ. Қос теннисші бір-бірімен алғаш рет ресми кездесу өткізді. Енді ресейлік теннисші 3-айналымда испаниялық Пабло Карреньо-Бустоға қарсы ойнайды.
Сонымен қатар қазақстандық Андрей Голубев Италияда өткен, жүлде қоры 88,5 мың еуроны құрайтын "Челленждер" жарысына қатысты. Ол уругвайлық Ариэь Бехермен жұп болып өнер көрсетті. Финалда Голубев-Бехер жұбы франциялықтар Хьюго Гастон мен Эллиото Беншетриге қарсы ойнады. Кездесу барысында Голубев пен Бехер жұбы айқын фаворит екені бірден байқалды.
1 сағат 11 минутқа созылған кездесу 6:4, 6:2 есебімен аяқталып, Голубев-Бехер жұбы басым түсті. Бұл қазақстандық теннисшінің осы маусымда өткен жарыстардағы үшінші жеңісі. 2016-жылы Голубев жұптық өнер көрсетуде "Челленджер" сериясы бойынша өзінің жеке рекордын жаңартып, Аустралияда, Чехияда және Италияда өткен жарыста да жеңімпаз атанған. Жыл басында ол тағы бір қазақстандық теннисші Александр Недовесовпен Бангокта және Францияның Кемперінде өткен сайыстарда бақ сынады. Содан кейін коронавирус пандемиясына байланысты теннис маусымы мерзімінен бұрын тоқтатылды. Ал, енді осы аптада маусым қайта жалғасты. Голубев Италияның Тоди қаласында өткен "Челленджер" турниріндегі жеңіспен маусымды сәтті бастап отыр.
Ермұхамед Мәулен
