Ойыншы "Барселонаға" қарсы ойында 8 шақырым ғана жүгірген. Ол матчта "Реал" фоварит саналса да, 4:0 есебімен ойсырай ұтылған еді, деп хабарлайды inbusiness.kz тілшісі.
Мадридтік клубтың футболшыларына Килиан Мбаппенің ойыны ұнамайды, олар француз шабуылшысының артқа қайтпайтынын айтқан. "Реал" жанкүйерлері де Мбаппе келгелі командада сәтсіздік жиі қайталанғанын жарыса жазуда.
Еске салайық, Мбаппе 2017 жылы "ПСЖ" клубына 180 млн еуроға ауысса, "Реал Мадрид" сапына биыл ғана қосылды.
"Барселонаға" қарсы матчта Мбаппенің 8 шақырым ғана жүгіргені әлемдік БАҚ-та сөз болуда.
Яғни, қорғаныстың бар қиындығы Беллингемнің мойнына артылған. Реалдықтар француз форвардының артқа қайтып ойнамайтынына реніш білдіріп, ескерту де жасаған.
Енді жаттықтырушылар жақында бір шешімге келіп, Мбаппе мен Винисиустың шабуылдағы рөлін алмастыруы мүмкін.
