"Реалдың" қақпашысы Тибо Куртуа жарақатына байланысты шамамен 1,5 ай алаңнан тыс қалады.
Ол ауырсынуды Чемпиондар лигасының 1/8 финалындағы "Манчестер Сити" командасына қарсы (2:1) қарымта матч алдында, дене қыздыру кезінде-ақ сезген. Тибо Куртуа бұл туралы дәрігерлерге хабарлағанымен, тексерістен кейін алаңға шығуға шешім қабылдаған.
Үзіліс кезінде "Реал" қақпашыны алмастырды. Оның орнына алаңға Андрей Лунин шықты. Кейінгі тексеру нәтижесінде Куртуаның оң аяғынан бұлшықет жарақаты анықталды.
Куртуаның Ла Лиганың 29-туры аясындағы "Атлетикоға" қарсы дербиге қатысуы екіталай. Қазір дәрігерлер жарақаттың нақты деңгейін анықтап жатыр. Егер жарақат ауыр болса, қақпашы Чемпиондар лигасының 1/4 финалындағы "Баварияға" қарсы 7 және 15 сәуір күндері өтетін матчтарға да қатыса алмайды.
