Кездесу барысында қос команда бір-бірінің қақпасы маңында жиі бой көрсетіп, гол соғатын мүмкіндікті іздеді.
Бірінші кезеңде Боруссия Дортмунд ойыншылары жиі шабуылдады.
Кейбір сәтте Реал Мадрид қорғаушылары гол соғуға мүмкіндік бермесе, ендігі бір сәтте нысананы дәл көздей алған жоқ.
Екінші кезеңде Реал Мадридтің басымдығы байқалды. Олардың тарапынан бірнеше қауіпті шабуыл ұйымдастырылды.
Ойынның 74-минутында Реал Мадрид сапынан Даниэль Карвахаль гол соқса, Винисиус Жуниор 83-минутта есепті еселеді.
Осылайша, Реал Мадрид қарсыласынан 2:0 есебімен басым түсіп, кубокты төбесіне көтерді.
Реал Мадрид соңғы он жылда бес мәрте финалға шығып, бәрінде жеңімпаз атанған. Жалпы UEFA Чемпиондар лигасында 15-ші рет жеңіске жетіп отыр.
Боруссия Дортмунд командасы 1997 жылы Чемпиондар лигасында топ жарды. Ал 2013 жылы финалда Бавария командасына 1:2 есебімен жол берген еді.
