Ресей Қазақстанның солтүстік өңірлері үшін газ құбырын салады. Бұл туралы 18 ақпандағы Ресей Федерациясы Үкіметінің қабылдаған бұйрықта жазылған, деп хабарлайды inbusiness.kz сайты.
Бұйрық көршілес елдің құқықтық ақпарат порталында жарияланған. Оған сәйкес Ресей тарапы Қазақстанның солтүстік және солтүстік-шығыс өңірлерін газдандыру үшін магистральды газ құбырын салмақ.
Құжатқа көрсетілгендей, елімізге газ жеткізу үшін экспорттық газ құбырының жобалық қуаты жылына 10 миллиард текше метр газ болады. Ал компрессорлық станциялардың қуаты 50 МВт-қа тең.
Газ құбыры Түмен облысы арқылы өтетін болады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
