Отандасымыз 97 келіге дейінгі салмақ дәрежесіндегі белдесуде ресейлік Алихан Кцоевпен кездесіп, 3:2 есебімен басым түсті.
Кездесу барысында қазақстандық балуан 1:2 есебімен ұтылып жатқанымен, айқастың соңғы сәтінде есепті теңестіріп, белдесудің аяқталуына 5 секунд қалғанда шешуші ұпайға қол жеткізді.
Бұған дейін 13 ақпанда Бішкек қаласында өткен Super 4 Wrestling турнирінде де Ризабек Айтмұқан Алихан Кцоевті жеңген болатын.
Сонымен қатар, аталған турнирде грек-рим күресі бойынша 97 келіге дейінгі салмақта сынға түскен қазақстандық Ислам Евлоев беларусьтік Кирилл Маскевичке 1:2 есебімен есе жіберді.
Естеріңізге сала кетейік, 21 жастағы Ризабек Айтмұқан – Қазақстан тарихында еркін күрестен ересектер арасында әлем чемпионы атанған алғашқы спортшы.
