"Есіктен есікке" акциясы аясында облыстық мәслихат депутаттығына үміткер Сергей Прокопьев пен оның сенімді өкілі Айып Абраев қала дүкендеріне барып, жергілікті тұрғындармен сөйлесіп, "Nur Otan" партиясының сайлауалды бағдарламасын қала тұрғындарына түсіндірді. Сайлаушыларды толғандыратын мәселелердің бірі - азық-түлік бағасының өсуі.
Сондай-ақ, облыстық мәслихат депутаттығына үміткер Мұрат Қымбатовтың сенімді өкілі Рустам Нұртазинов Алғабас ауылында болып қайтты. Ауыл тұрғындарын ауылды орталық сумен жабдықтау және қалаға маршруттық такси мәселелері толғандырды.
Ақсу қалалық мәслихатының депутаттығына кандидаттар Жәмила Есембаева, Татьяна Носачева, Гүлдана Бірлік және Андрей Горохов Ақсу қаласы мен ауылдық аймақ тұрғындарымен "Экспромт" форматында "Есіктен есікке" үгіт-насиахат науқанын өткізді. Науқан аясында үміткерлер тұрғындарға өңіріміздің әлеуметтік-экономикалық дамуына бағытталған "Nur Otan" партиясының сайлауалды бағдарламасының негізгі аспектілерін түсіндірді. Сондай-ақ, науқан барысында тұрғындарға үгіт-насихат материалдарын табыстап, азаматтарды қызықтырған сұрақтарға жауап берді.
Сайлау науқаны жалғасуда. Отандастарымызды 2021 жылдың 10 қаңтарында "Nur Otan" партиясына дауыс беруге шақырамыз. Қиындықты еңсеріп, жеңіске бірге жетеміз!
Ақсу қалалық сайлауалды штабы.
Ақсу қаласы "Nur Otan" партиясы сайлау қорының қаражатынан төленді.
