Велокөпкүндікке қатысып жатқан командалардың біріндегі екі италиялық велесебедші жаңа COVID – 19 коронавирусын жұқтырғандықтан, велобәйге тоқтатылды. Бірақ, команда мен ауру жұқтырған шабандоздардың аты жарияланған жоқ.
Естеріңізге сала кетсек, бұл веложарысқа "Астана Про Тим" командасы да қатысып жатқан. Ал, кеше өткен 5-кезеңнен кейін қазақстандық Алексей Луценко бас классификация бойынша 3-орында тұрған еді.
"Шабандоздардың қауіпсіздігін қамтамасыз ету керек деген шешімге келдік. Қауіпсіздік бірінші орында", - деді ұйымдастыру комитеті.
Сонымен қатар, БАӘ-нің Денсаулық сақтау министрлігі жарысқа қатысушылардың, ұйымдастырушылардың және командалардың қызметкерлерінің барлығы тексеруден өтетіні және карантин жарияланатыны туралы хабарлады.
Ермұхамед Мәулен
