Шетелге 7,5 млн тонна бидай экспортталады

Шетелге 7,5 млн тонна бидай экспортталады

11:19 22 Тамыз 2019 5212

Шетелге 7,5 млн тонна бидай экспортталады

Автор:

Абылай Бейбарыс

Өзбекстан Қазақстаннан 1,1 млн тонна бидай сатып алды.

Биылғы жылдың алғашқы алты айында Қазақстаннан шетелге 3 млн тонна бидай жөнелтілді. Бұдан түскен табыс 532,9 млн долларды құрады.

Өткен жылдың сәйкес кезеңімен салыстырсақ, экспорт көлемі 2,6%-ға қысқарды, алайда кіріс көрсеткіші 16%-ға ұлғайды. Оң нәтижеге әлемдік нарықта бидай бағасының қымбаттауы әсер етті.

Статистика комитетінің дерегінше, I жартыжылдықта Өзбекстан Қазақстаннан 1,1 млн, Тәжікстан 520,9 мың тонна бидай сатып алды. Әзербайжан - 224,7 мың тонна астыққа тапсырыс берсе, Қытай - 197,3 мың, Түркменстан - 171,8 мың тонна бидайдың ақшасын санап берді. Ал Ауғанстан Қазақстанның - 133,5 мың, Түркия - 10,5 мың, Италия - 106,4 мың тонна бидайын кәдесіне жаратты.  

Ресей, Қырғызстан, Гүржістан мемлекеттері де біздің бидайдың өнімін жеді. Бірақ олардың тапсырысы жоғарыдағы елдерден аз болды. Нақтылайтын болсақ, Қазақстаннан Ресейге - 94,3 мың, Қырғызстанға - 85 мың Гүржістанға - 48,8 мың тонна бидай жөнелтілді.

Айта кетейік, алдын ала жасалған болжам бойынша 2019 жылдың шілдесі мен 2020 жылдың маусымы аралығында Қазақстан шетелге 7,5 млн тонна бидай экспорттайды.

Абылай Бейбарыс

Ұқсас материалдар:

kazakstanda-sibir-zharasynyn-2598-oshagy-tirkelgen

investorlarga-salyktyk-zhenildik-zhasalady

almaty-oblysynda-auyldarga-salynuy-tiis-stadiondardyn-kurylysy-bitpej-tur

zhambyl-oblysyndagy-19-mynga-zhuyk-sharua-kozhalygynyn-tortten-birin-ajelder-baskarady

elektrondy-kommerciya-kolenkeli-karzhy-ajnalymynyn-aldyn-alady

загрузка

×