Италия астанасы Римде каратэден WKF Премьер-лигасының 2026 жылғы екінші кезеңі аяқталды.
Турнирдің қорытындысы бойынша медаль кестесінде бірінші орынды Жапония құрамасы иеленді (3 алтын, 2 күміс, 3 қола). Екінші орын Италияға бұйырды (1 алтын, 1 күміс, 6 қола). Ал Қазақстан құрамасы 1 алтын, 1 күміс және 1 қола медальмен үшінші орынға тұрақтады.
Токио Олимпиадасының қола жүлдегері Софья Берульцева (+68 кг) финалда Англия спортшысы Рошель Уолтерсті 2:1 есебімен жеңіп, турнир чемпионы атанды. Осылайша ол Премьер-лига жарысында қатарынан екінші рет алтын медаль жеңіп отыр.
61 келіге дейінгі салмақта Әсел Қанай күміс жүлде иеленді. Ал 18 жастағы Мирас Әбдіқадыр (-60 кг) қола медаль жеңіп алды.
Айта кетейік, турнирге 66 елден 384 спортшы қатысты. Келесі кезең сәуір айында Қытайда өтеді.
