/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 376,04 Brent 36,55
Спорт пен мәдениет қатар жүреді

Спорт пен мәдениет қатар жүреді

Қысқы универсиада – 2017 қонақтарды тек спорт жетістіктерімен ғана емес, сондай-ақ мәдени іс-шаралармен де қуантпақ. 29 қаңтардан 3 ақпанға дейін Алматыда өтетін универсиада күндерінде тағы бір маңызды оқиға – әлемдік балет жұлдыздарының қатысуымен Ballet Globe халықаралық балет фестивалі өткізіледі. 

10:29 11 Қаңтар 2017 12592

Спорт пен мәдениет қатар жүреді

Автор:

Светлана Умыргалеева

Бір қарағанда, үш қайнаса, сорпасы қосылмайтын спорттық және музыкалық оқиғалар бір-бірімен қалай байланыспақ? Мәселе мынада, дәстүрлі түрде спорттық универсиада кезінде бүкіл әлемде «Мәдени универсиада» деген атпен сан түрлі мәдени іс-шара өткізіледі. ArtClassic компаниясының арқасында Алматы да бұл игі істен қалыс қалмай, өз қонақтарын жан-жақты бағдарламамен қуантпақ.

Айтты – орындалды!

Компанияның бас директоры Ерлан Андағұлов пен атқарушы директоры Данияр Шманов өз бастамаларымен Ресей, Франция және Швейцарияға бірқатар іскерлік сапармен барып, Сан-Петербордағы Context фестивалінде болған, оның басшысы прима-балерина Диана Вишнева және балет әлемінің негізгі жұлдыздарымен келіссөз жүргізіп, әр орындаушының репертуарын жан-жақты талқылаған.

«Нәтижесінде біз жұлдыздардың жұмыс кестесін ескеріп, мінсіз бағдарлама жасай алдық. Шетелдік жұлдыздармен жұмыс тәжірибеміздің болуы Германия, Ұлыбритания, Испания және Франциядағы жалпы хореографиялық өнерді жете түсінуімізге септігін тигізді. Ал кәсіби байланысымыздың болуы біздің алдымыздағы көптеген есікті айқара ашты», – дейді Ерлан Андағұлов

«Мінсіз» бағдарлама әлемнің классикалық мұрасының жауһарларын қамтыды – Париж операсының әртісі Жозуа Хоффальт пен Ресей Үлкен театрының прима-балеринасы Евгения Образцованың қатысуымен Адольф Аданның музыкасына жазылған «Жизель» спектаклі; Петр Чайковскийдің «Аққу көлі», мұнда басты партияларды Америка балет театрының жарқын жұлдыздары – прима-балерина Джиллиан Мёрфии, премьер Кори Стернз сомдамақ; Ресей Үлкен театрының прима-балеринасы Нина Капцова және премьерлері Михаил Лобухин мен Артем Овчаренконың қатысуымен Сергей Прокофьевтің «Ромео мен Джульетта» спектаклі.

«Фестивальдің бірегейлігі сол, біз балет жолына енді қадам басқан жас орындаушыларды емес, әлемді мойындатқан өз партиясының үздіктерін шақырып отырмыз. Олардың барлығы  Гранд Опера, Ковент Гарден, Үлкен театр секілді әлемнің үздік театрларының жетекші әртістері және оларды фестивалімізге қатысуға шақыру оңай шаруа болған жоқ. Осы мақсатта біз үнемі балет өнерінің жаңалықтарынан қалыс қалмай, әртістердің қайсысы мықты екенін бағамдап отырамыз. Бұл жолы біз әлемнің көрнекті балет державалары – Ресей, Франция, АҚШ-тың классикалық репертуар орындаушыларын тарттық. Келесі фестивальге жанр шекарасын кеңейтіп, заманауи хореографиялық қойылымдарды енгізгіміз келеді», – деп баса айтты Ерлан Андағұлов.

«Бұл – бизнес емес, хобби»

Ballet Globe – Қазақстан балет өнері саласындағы көпшілік жоба секілді коммерциялық жоба емес екенін айтады ұйымдастырушылар.

«Біз үшін бұл – бизнестен бұрын, хобби. Себебі әлемнің жетекші орындаушыларының өнер көрсетуі дегеніміз – нағыз мереке ғой, ол тек қана Қазақстан көрермендеріне ғана емес сонымен бірге біздің әртістерімізге, өскелең ұрпаққа жақсы көңіл-күй, толғаныс, терең ой мен қуаныш сыйлайды. Мұндай сапалы орындау деңгейі біздің әртістеріміздің бойында өз кәсіби шеберлігін шыңдауға деген талпынысын оятады», – деген ойымен бөлісті Ерлан Андағұлов.

Ұйымдастырушылардың айтуынша, фестивальдің енді бір мақсаты – Абай атындағы ГАТОБ балет труппасының шақырылған жұлдыздармен өткізетін дайындық жұмыстары арқасында еліміздің әртістерінің шеберлігін шыңдау. Осы мақсатта фестиваль аясында Александр Селезнев атындағы Алматы хореография мектебінің оқушыларына арнап фестиваль қонақтарымен шығармашылық кездесулер ұйымдастырылмақ. Данияр Шмановтың айтуынша, мұндай кездесулер өте маңызды, себебі бұл – оқушылардың үлгі алатын тұлғалармен тірі қарым-қатынас жасау мүмкіндігі. Бұл, әрине, жастарға өз күшіне сеніп, әлемнің үздік сахналарын бағындыруға түрткі болары анық.

Одан бөлек фестивальді ұйымдастырушылар отандық бизнес-құрылымдарға мәдениет пен өнердің мүмкіндігін көрсетпек.

«Бүгінгі күні батыста өнер бизнес үшін тартымды әрі сәнді салаға айналып жатса, бізде бұл мүмкіндік толық деңгейде қолданылмай отыр. Әр жаңа жобамен мүмкіндік кеңейіп келеді. Қазір біз серіктес болуға мүдделі жаңа брендтер мен компанияларды тартып отырмыз, ал олардың қолдауы, өз кезегінде, біздің жобаларды естен кетпестей жарқын етуге көмектеседі», – дейді Art Classic компаниясының продюсері Мансұр Ысмағанбетов.

ArtClassic компаниясы белсенділерінің болашаққа деген жоспарлары көп және Қазақстан көрермендерін әлем деңгейіндегі әртістердің шығармашылығымен таныстыруды мақсат етіп отыр.

Айта кетейік, фестиваль 3,4,5 ақпанда Абай атындағы  қазақ мемлекеттік академиялық опера және балет театрының сахнасында өтпек.

Тегтер:

Алматы қалалық таеквондо федерациясында дау шықты

Қызметімді тартып алды деген экс-президент «Қоғамдық бірлестіктер туралы» заңға сәйкес федерацияның қазіргі басшылығын сотқа берген. 

05 Ақпан 2020 11:27 1012

Алматы қалалық таеквондо федерациясында дау шықты

Федерацияның бұрынғы президенті Олжас Дүйсембаев қазіргі басшылық қызметін заңсыз тартып алғанын айтып, мұны сотта дәлелдемек. Inbusiness.kz порталының тілшісі мәселенің мән-жайын анықтап көрді.

Олжас Дүйсембаевтың сөзінше, ол бала кезінен таеквондомен айналысқан. Халықаралық додаларда ел намысын қорғап, ұлттық құраманың мүшесі болған.

«Спорттың бұл түрі тұлға ретінде дамуыма көп мүмкіндік берді. 2018 жылы маған Алматы қаласы таеквондо федерациясының президенті қызметі ұсынылды. Елімізде осы спорт түрі дамығанын қалағандықтан, келіскен едім. Алайда 2019 жылдың қыркүйек айында Rixos қонақүйінде Текелі қаласының әкімі Бахтияр Өнербаев заңсыз кезектен тыс жиналыс өткізіп, мені басшылық қызметтен алып тастады. Жиналыс болатын күнді, орынды маған хабарламады. Уақытынан бұрын мені қызметімнен босатудың себебі де айтылмады. Тіпті жиын хаттамасымен де таныстырған жоқ», – дейді Олжас Дүйсембаев.

Ол өзінің федерация президенттігінен кеткенін мөрді жаңа тағайындалған басшыға қайтарып беру туралы ескертпе келгенде білгенін айтады.

«Жарғы бойынша федерация президенті төрт жылға сайланады. Бұл құжат негізінде мені жұмыстан шығаруға еш негіз болған жоқ. Ал жиналыс барысында қалалық федерация басшысы болып Бахтияр Өнербаев сайланған. Былайша айтқанда, Текелінің әкімі менен федерацияны «тартып алды». Бахтияр Алтайұлымен жеке кездесу барысында ол маған басшылық қызметке «бір кісілер» келуін сұрағанын, оның бұл спорт түріне еш қатысы жоғын айтты. Жаңа президент тағайындалғалы төрт ай өтті. Алайда ешқандай алға жылжу жоқ. Мен жаттықтырушылармен де байланыстамын. Олар да маған соны айтады. Қазір ресми түрде президент емеспін. Дегенмен федерация мүшесімін», – деді экс-басшы.

Сонымен қатар Олжас Дүйсембаев өзі басшылық еткен кезеңде халықаралық турнирлерде Алматыдан шыққан 18 спортшы ел намысын қорғағанын, кадеттер мен жасөспірімдер құрамасы Азия біріншілігінде 3 қола медальді иеленгенін,  2018-2019 жылдары алматылықтар Конфедерация кубогін жеңіп алғанын айтады. Экс-басшының сөзінше бұл өте жақсы көрсеткіш.

Ал таеквондо федерациясының қамқоршылық кеңесінің мүшесі, спорт ардагері Сәбит Жарлепесов экс-басшыны қамқоршылық кеңестің үмітін ақтамағаны үшін алып тасталғанын айтады.

«Біз Олжас Дүйсембаев басшылыққа келгенде оған үлкен үміт артқанбыз. Алайда ол үмітімізді ақтамады. Тіпті ресми Қазақстан Ұлттық құрамасы құрамында халықаралық додаларда ел намысын қорғадым деп ресми мәлімдеген екен. Мен мұны жоққа шығарамын. Себебі 2008-2015 жылдар аралығында таеквондо спорты бойынша қалалық басқармаға жауапты болғанмын. Сондықтан Олжас Дүйсембавтың аты-жөні ел құрамасы ғана емес, қалалық құраманың тізімінде болмағанын мәлімдеймін», – дейді Сәбит Жарлепесов.

Сонымен қатар спорт ардагері бұрынғы басшының федерация тарихында соңғы 30 жылда болмаған бірнеше қателік жібергенін айтады.

«Бізге ата-аналар хабарласып, допингке қатысты дау туғанын айтты. Қамқоршылық кеңеске мүше бола тұрып, біз оны әріптесімізден емес, ата-аналардан естіп отырмыз. Яғни, 2018 жылы Республикалық Конфедерация кубогінде Алматы қаласының атынан шыққан спортшылар тыйым салынған препараттар қолданды деп айыпталып, жарыстан шығып қалады. Ол ақпараттың барлығын федерация президенті бізден жасырған. Мұндай бассыздық таеквондо тарихында болмаған. Кейін жаттықтырушылар арасында дау туып, федерация президенті оған мән бермегеннің нәтижесінде бапкерлер бір-бірімен жанжалдасқан. Біз мұны телеарна журналистері  хабарласқанда бірақ білдік»,– дейді Сәбит Жарлепесов.

Қамқоршылық кеңес мүшесі осы жайттардың барлығын ескере отырып  Олжас Дүйсембаевты кезектен жиналысқа шақырғанын айтады. Алайда ол айтылған пікірлерді тыңдамай жиыннан кетіп қалған.

«Бірінші жиналыста бәріп түсіндіріп айттық. Яғни, біз саған федерациядан кет деп жатқан жоқпыз. Бәлкім жастықтан шығар, әрине, ондай болады. Алайда осы ушығып тұрған мәселелерді шешейік, сен вице-президент бола тұр деген ұсыныс айттық. Ол орнынан тұрды да кетіп қалды. Кейін тағы жарғыға сәйкес жиналыс өткізіп. Сол кездегі басшыны шақырдық, осы мәселе көтерілді. Алайда ол тағы кеңседен шығып кетті. Кейін біз ватсап арқылы шақыру жіберіп, кезектен тыс жиналыс ұйымдастырып, сол жерде Бахтияр Өнербаевты сайладық»,– дейді спорт ардагері. 

Сәбит Жарлепесовтың айтуынша Текелі әкімі Бахтияр Өнербаев Қазақстанда таеквондоның негізін қалаған Мұстафа Өзтүрік пен Бексейіт Түлкеевті жақын таныған, олармен бірге семинар, конференциялар ұйымдастырған. Сондықтан қамқоршылық кеңес мүшелері ол кісіден басқа бұл қызметке лайықты адам жоқ деп есептеп, федерация басшылығына тағайындаған.

«Осы адам федерацияда тәртіп орната алатын жалғыз үміткер болды. Осылайша жарлық талаптарына сәйкес кворум ұйымдастырдық. Оған 21 құрылтайшының 15-і келді. Барлығы бір ауыздан дауыс беріп, жаңа басшыны сайладық. Ал Олжасқа бәлкім басшылыққа кейін келерсің, деп тәжірибе жинағанша вице-президент лауазымын ұсындық. Осы мәселелердің барлығын шешіп, федерация беделін сақтап қалу үшін мұндай қадамға бардық»,– дейді қамқоршылық кеңес мүшесі.

Бұл ретте Олжас Дүйсембаев «Қоғамдық бірлестіктер туралы» заңға сәйкес қазіргі басшылықты сотқа берген. Істі Алматы қаласының экономикалық соты қарастыруда. Сонымен қатар ол ушыға бастаған дау туралы Мәдениет және спорт министрлігін хабардар етпек.

Құралай Құдайберген

Нұр-Сұлтанда әлем чемпионаттарының жеңімпаздары мен жүлдегерлері марапатталды

Салтанатты шараға Қазақстан Ұлттық Олимпиадалық комитетінің президенті Тимур Құлыбаев қатысты. 

09 Қазан 2019 17:02 1626

Нұр-Сұлтанда әлем чемпионаттарының жеңімпаздары мен жүлдегерлері марапатталды

Елордада бокс, күрес түрлері, ауыр атлетика мен спорттық құзға өрмелеу бойынша әлем чемпионаттарының жеңімпаздары мен жүлдегерлерін марапаттау рәсімі өтті деп хабарлайды Ұлттық Олимпиада комитетінің баспасөз қызметі.

Қазақстандық боксшылар Екатеринбургте өткен әлем чемпионатында алты медаль жеңіп алды. Бекзат Нұрдәулетов әлем чемпионы атанса, Қамшыбек Қоңқабаев әлем чемпионатының күміс жүлдесіне ие болды. Сәкен Бибосынов, Тұрсынбай Құлахмет, Василий Левит және Абылайхан Жүсіпов әлем біріншілігінің қола жүлдесіне қол жеткізді.

Нұр-Сұлтанда күрес түрлерінен өткен лицензиялық әлем чемпионатында кілем иелері жеті жүлде жеңіп алды. Грек-рим күресінен Хорлан Жақанша, еркін күрес шеберлері Нұрқожа Қайпанов пен Дәулет Ниязбеков әлем чемпионатының күміс жүлдегерлері атанды.

Грек-рим күресінен Алмат Кебіспаев, Мейрамбек Айнағұлов, еркін күрестен Нұрислам Санаев және әйелдер күресінен Валентина Исламова ел қоржынын қола жүлдемен толықтырды. Сонымен қатар, елорда кілемінде белдескен қазақстандық балуандар Токиода өтетін жазғы Олимпиада ойындарына  сегіз жолдама ұтып алды. 
Ауыр атлет Игорь Сон Таиландта өткен ауыр атлетикадан әлем чемпионатында күміспен күптелді. Жапония астанасы Токиода спорттық құзға өрмелеуден әлем чемпионатында отандасымыз Ришат Хайбуллин қола жүлдемен қатар, Токио Олимпиадасына жолдаманы жеңіп алды. 

Қазақстан Республикасы Үкіметінің қаулысына сәйкес, әлем чемпионаттарында жоғары нәтиже көрсеткені үшін алтын медаль иегеріне – 15 000 АҚШ доллары, күміске – 7 000 АҚШ доллары, қолаға – 5 000 АҚШ доллары көлемінде ақшалай сыйақының сертификатымен марапатталды.   Сонымен қатар, сыйақыға ұлттық құрама бас бапкерлері, спортшының бірінші бапкері  және жеке жаттықтырушылары мен ғылыми-кешенді топтардың өкілдері ие болды.

«Осындағы барлық спортшылар атынан еліміздің Ұлттық Олимпиадалық комитетіне, Қазақстан Республикасының Мәдениет және спорт министрлігіне алғыс айтқым келеді. Тек қана ресми салтанатты шараларда ғана емес, рингте, татамиде, кілемге шығарда, кез келген жарысқа дайындық барысында біз дәл осындай қолдаудың барын сеземіз. Бізге артылған үмітті, сенімді ақтау үшін ешқашан аянып қалмаймыз! Спортшы болғаннан кейін әлемдік аренада ел намысын абыроймен қорғау – біздің Отан алдындағы борышымыз, парызымыз деп білемін. Көк тудың көкте желбіреп, әнұранымызды бүкіл әлем алдында мақтанышпен шырқау – бізге рух беріп, жігерлендіреді», - деді бокстан әлем чемпионы Бекзат Нұрдәулетов.