Бүгін, 14 ақпан, 2026 жылғы Қысқы Олимпиада ойындары аясында Қазақстан ұлттық құрамасының өкілдері бірнеше спорт түрінен бақ сынайды. Милан мен Кортина-д’Ампеццода өтіп жатқан дүбірлі додада отандастарымыз жүлде жолында бар күш-жігерін салмақ.
Күн тәртібіндегі жарыстар, Астана уақытымен:
14:00 – Тау шаңғысы (алып слалом, ерлер)
Ростислав Хохлов ел намысын қорғайды. Алып слаломда спортшының техникасы мен жылдамдығы шешуші рөл атқарады.
14:30 – Фристайл-могул (параллель могул, әйелдер)
Аяулым Әміренова, Юлия Галышева және Анастасия Городко жүлдеге таласады. Бұл дисциплинада жылдамдықпен қатар, секіру элементтерінің күрделілігі жоғары бағаланады.
16:00 – Шаңғы жарысы (эстафета, әйелдер)
Надежда Степашкина, Ксения Шалыгина, Анна Мельник және Дарья Ряжко командалық сында бақ сынайды. Эстафета – ұйымшылдық пен төзімділікті талап ететін жарыс.
18:45 – Биатлон (спринт, әйелдер)
Аиша Рақышева мен Милана Генева қысқа қашықтықтағы спринтте мергендік пен жылдамдықтарын көрсетеді.
Барлық жарыстар Qazaqstan, Qazsport, Khabar және Jibek Joly телеарналарынан тікелей эфирде көрсетіледі.
