Ол ат снарядындағы жаттығуда финалға сәтті өтіп, шешуші сында 14.133 ұпай жинап, күміс жүлдеге ие болды. Бұл нәтиже Қазақстан құрамасы үшін осы турнирдегі алғашқы медаль ретінде тіркелді.
Жарыстың финалдық бәсекесі тартысты өтті. 1-орынды хорватиялық Матео Зугеч иеленіп, 14.166 ұпаймен жеңімпаз атанды. Ал үздік үштікті Ұлыбритания спортшысы Джошуа Нэтан түйіндеп, 14.100 ұпай нәтижесін көрсетті.
Қазақстанның тағы бір өкілі Нариман Құрбанов финалда 7-орынға тұрақтап, 13.233 ұпай жинады. Жалпы алғанда, бұл кезең қазақстандық гимнасттар үшін тәжірибе мен халықаралық деңгейдегі бәсекеде өзін көрсету тұрғысынан маңызды жарыс болды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
