Болгариялық маман Стойчо Младенов өзінің көмекшілерімен бірге "Қайсардың" орналасқан жерінен мерзімінен бұрын кетіп қалды. 63 жастағы Младенов "Қайсарда" 2016 жылдың қарашасынан бері жұмыс істейді. Оған дейін ол "Атырауды" жаттықтырды. Қызылордалық клубпен ол 2019 жылы ел кубогын жеңіп алды, бұл "қасқырларға" осы маусымда Еуропа лигасында дебют жасауға мүмкіндік берді. Бұл кезеңде оның ойыншылары Кипрлік АПОЭЛ командасына есе жіберді (1:4). 2019 жылы Младенов ҚПЛ-дің үздік жаттықтырушысы болып танылды.
Естеріңізге сала кетсек, Қазақстан Премьер-Лигасының 20-турында "Қайсар" мен "Астана" арасындағы матчқа қатысушылар команда капитаны Асхат Тағыберген мен команда жаттықтырушысының арасындағы келіспеушіліктің куәсі болды.
Даудың себебі ойыншылар Младеновтың алаңға шығарған құрамымен келіспеген екен. Атап айтқанда, кейбір ойыншылар жарақат алмаса да, қосалқы құрамға енбеген. Младенов өзінің көмекшілері сияқты команданың осы маусымдағы ең жақсы футболшыларының бірі Тағыбергенге қарсы қатты сөйледі. Нәтижесінде "Қайсар" бірқатар қателіктер жіберіп, "Астанадан" 1:3 есебімен жеңілді.
Бұған дейін Младенов басқа қазақстандық ойыншылармен, соның ішінде Елдос Ахметовпен, Нұрымжан Салайдинмен және Қуаныш Қалмұратовпен жанжалдасқан болатын. Олардың екеуі командадан мерзімінен бұрын кетіп қалды.
Ермұхамед Мәулен
