Бессайыс спорты бойынша Қытайдың Ухань қаласында Азия чемпионаты өтіп жатыр. Сол сайыста Қазақстан намысын қорғаған Елена Потапенко жекелей сында 12-орыннан көрінді. Осы нәтиженің арқасында ол Токиода өтетін Олимпиада ойындарына жолдама жеңіп алды. Еленаның алдын ораған спортшылардың ішінде Оңтүстік Корея елінен 4 спортшы, Жапония мен Қытайдан үш спортшыдан болды. Ал жолдама бір мемлекетке біреуден ғана беріледі. Сондықтан да кезекті жолдама Потапенкоға бұйырды.
Сонымен қатар жекелей сындағы бессайыста ел намысын қорғаған Павел Иляшенко 4-орыннан көрінді. Жолдама алғашқы бес орынға берілгендіктен, отандасымыз жолдамалар қатарына еніп кетті. Сонымен Қазақстан дәл осы мезетте Токио Олимпиадасына 25 жолдама алып отыр.
Ермұхамед Мәулен
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
