Бұл туралы Трамп әлеуметтік желідегі парақшасына жазды, деп хабарлайды inbusiness.kz сайты.
– Мен жаңа ғана Қазақстанның аса құрметті президенті Қасым-Жомарт Тоқаевпен тамаша келіссөз жүргіздім. Олар тарихтағы ең ірі теміржол жабдықтарын сатып алу келісіміне қол қойды. Ол – құны 4 миллиард АҚШ долларын құрайтын америкалық локомотивтер мен теміржол жабдықтары. Біз АҚШ-тың теміржол өнеркәсібін қолдауымыз керек, өйткені ол жылдар бойы жалған экологиялық топтардың шабуылына ұшырады. Тарихи әрі үлкен сатып алу үшін президент Тоқаевты құттықтаймын, – деп жазды Трамп.
Кеше Қасым-Жомарт Тоқаевтың Дональд Трамппен сөйлескенін жазған едік. Ал 8 қыркүйекте Дональд Трамп Қазақстанға келу туралы ойын айтып, Қасым-Жомарт Тоқаевты "өте жақсы адам" деп атаған болатын.
