Қазақстан Премьер-Лигасының 14-туры чемпионат аутсайдерлері "Қызыл-Жар" мен "Тараз" арасындағы матчпен басталды. Сегізбаев атындағы стадионда өткен кездесу 1:0 есебімен петропавлдық клубтың пайдасына аяқталды.
Бірінші таймда екі команда да жабық футбол ойнады. Сондықтан қауіпті сәттер болған жоқ. Кездесудің екінші жартысы да осы сценарий бойынша өтті. "Қызыл-Жар" командасы 69 минутта ойындағы жалғыз әрі жеңісті голды соғып кетті. Бұрыштамадан асырылған пасты "Тараздың" қақпашысы Джурахон Бабаханов ұстай алмай, допты Момоду Сисейдің аяғына салып берді. Сисей ашық қақпаны көздеуде қателескен жоқ.
"Қызыл-Жар" осы жеңістің арқасында турнирлік кестедегі жағдайын жақсартып алды. 11 ұпайы бар петропавлдық команда тоғызыншы орынға көтерілді. Ал "Тараз" 13 ұпаймен сегізінші орында тұр.
ҚПЛ-дың 14-тур ойындары ертең жалғасын таппақ. 22-қазан күні "Қайсар"-"Шахтер", "Ордабасы"-"Жетісу", "Қайрат"-"Каспий", "Астана"-"Тобыл" командалары арасында кездесу өтеді.
Соңғы турда "Тобыл" мен "Астана" арасындағы матчтардың саны тең болғаннан кейін қостанайлықтар елордалық клубты турнирлік кестеде екінші орыннан үшінші орынға ығыстырды.
Қазір "Тобылда" 23 ұпай бар және жоғалтқан ұпай саны бойынша "Қайраттан" алты ұпайға қалып келеді. Егер "Астана" сәтті өнер көрсететін болса, екінші орынға көтерілуі мүмкін. Тең түскен жағдайда, қарсыластар "Қайратқа" жол беріп, турнирлік кестенің ортасында тұрған командалар ұпай айырмашылығын қысқартуы мүмкін.
"Астана" жаңа бас бапкер Андрей Тихоновтың басшылығымен алғашқы матчын өткізбек. Бірінші турда "Тобыл" "Астананы" 2:0 есебімен жеңген болатын. Алдағы матч 22-қазанда "Жас-Қыран" стадионында өтеді.
Ермұхамед Мәулен
