"Тараз" Қазақстан Премьер-лигасының 21-турында "Тобылмен" кездесті. Матч Тараздағы Орталық стадионда өтіп, 0:0 есебімен аяқталды. Жамбылдық клуб бұл ойында 3 мәрте Александр Мокин қақпасын дәл көздесе, "Тобыл" ойыншыларына дәл соққы жасаудың сәті түспеді. Одан бөлек, алаң иелері сапында 5 ойыншы, ал қостанайлық клубтың 3 ойыншысы сары қағазбен жазаланды.
Бір ұпайды қоржынға салған Вардан Минасян шәкірттері турнирлік кестеде тоғызыншы орынға тұрақтады (25 ұпай). Ал "Тобыл" 46 ұпаймен екінші орында қалды.
Қазақстан Премьер-лигасының 21-турында "Қайрат" пен "Қызыл-Жар" өзара мықтыны анықтады. Алматыдағы Орталық стадионда өткен матч 1:0 есебімен аяқталды. Ойындағы жалғыз әрі жеңісті голды Қазаұстан құрамасының шабуылшысы Артур Шушеначев 76-минутта соқты. Бұл оның осы маусымдағы 10-голы болды. Жеңіс тойын тойлаған Құрбан Бердыевтың командасы 40 ұпаймен турнирлік кестеде үшінші орынға табан тіреді. Ал петропавлдық ұжым 32 ұпаймен бір саты төменде тұр.
Қазақстан Премьер-лигасының 21-турында "Қайсар" қарағандылық "Шахтерді" қабылдады. Матч Қызылордадағы Ғани Мұратбаев атындағы стадионда өтіп, 1:2 есебімен аяқталды. Ойынның 71-минутында Давид Мавутор қарсылас ойыншысының қателігін сәтті пайдаланып, "кеншілерді" алға шығарды. Бірақ бес минуттан кейін Арман Кеңесов айып алаңының сыртынан тамаша соққы жасап, есепті теңестірді. Ал 91-минутта алғашқы голдың авторы Мавутор қызыл қағаз алып, алаңнан қуылды. Кездесудің 97-минутында Айдос Тәттібаев баспен гол соғып, командасына жеңіс сыйлады.
Қызылордалық ұжым бұл жеңілістен кейін 15 ұпаймен он үшінші орында қалды. Магомед Адиев шәкірттері 25 ұпаймен оныншы орынға көтерілді.
Ермұхамед Мәулен
