Қазақстан Тәуелсіздігінің 25 жылдығына орай салынатын монумент 25 қырлы болады, ол ақ мәрмәрмен қапталады деп "БАЗИС-А" компаниясының сайтында хабарланған.
Болашақ монументтің эскиз-идеясының авторы Еділ Әлімбеков Алматы қаласынан екен. Оның жобасы байқауға ұсынылған 66 жұмыстың ішінен таңдап алынған.
Бұдан бұрын хабарланғандай, бұл нысанның құрылысына 100 миллион теңге бөлінеді. Монумент еліміздің алдағы Тәуелсіздік күніне қарай орнатылуы керек.
"БАЗИС-А" компаниясы тұрғын үйлер мен әкімшілік ғимараттарды, әлеуметтік және инфрақұрылымдық нысандарды, көлік жолдары мен темір жолдарды салады. Жыл сайын әр түрлі бағытқа негізделген 400 000 ш.метрге дейінгі ғимараттарды пайдалануға береді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
