Оның қорытындысымен түрлі аталымдар бойынша жеңімпаздар анықталды, деп жазады inbusiness.kz сайты.
Аталмыш байқау биыл үшінші рет ұйымдастырылып отыр. Биыл 20-30 наурыз аралығында халықтық дауыс беру нәтижелерін ескере отырып, қазылар алқасы әр аталымда үш үміткердің ішінен біреуін таңдады.
Қазақстанның бірінші, әлемнің 2-ракеткасы Елена Рыбакина ең көп дауыс жинап, "Жыл спортшысы" марапатына ие болды. Осылайша, Елена екінші рет спорт жанкүйерлерінің таңдауына ілікті.
Айта кетейік, 2025 жылы Рыбакина мансабында алғаш рет WTA Finals турнирінде жеңіске жетті. Ал 2026 жылдың басында ол өзінің екінші "Үлкен дулыға" титулына қол жеткізіп, Australian Open турнирінің чемпионы атанды. Қазіргі уақытта ол WTA рейтингінде екінші орында тұр. Жақында Елена Лондондағы WTA 500 турнирін сәтті бастады.
