/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Тимур Құлыбаев WORLD ATHLETICS басшысымен кездесті

Тимур Құлыбаев WORLD ATHLETICS басшысымен кездесті

Қазақстан ҰОК пен World Athletics басшысының кездесуінде отандық жеңіл атлетиканың даму барысы және 2020 жылғы Олимпиада ойындарына дайындық кезеңі талқыланды. 

11:17 04 Желтоқсан 2019 1885

Тимур Құлыбаев WORLD ATHLETICS басшысымен кездесті

Автор:

Нұр-Сұлтан қаласында Қазақстан Ұлттық Олимпиадалық комитетінің президенті Тимур Құлыбаев пен World Athletics басшысы Себастьян Коэ кездесті деп хабарлайды Olympic.kz.

Елордаға танымал спорт функционері, 1980 жылғы Мәскеу және 1984 жылғы Лос-Анджелес Олимпиадасының жеңімпазы Себастьян Коэ екі күндік іссапармен келді. Нұр-Сұлтанға сапары барысында ол бірнеше іс шараға қатысты.

Қазақстан ҰОК пен World Athletics басшысының кездесуінде отандық жеңіл атлетиканың даму барысы және 2020 жылғы Олимпиада ойындарына дайындық кезеңі талқыланды. Сондай-ақ, жеңіл атлетикалық нысан құрылысы мен жаттықтырушылар құрамының біліктілігін арттыру жөніндегі мәселелер талқыланды. Кездесу барысында Себастьян Коэ Қазақстанның Орталық Азия аймағындағы маңызды рольге ие екенін тағы бір атап өтті.

«Сізді Қазақстанда көргенімізге қуаныштымыз. Сіздің елордаға жасаған сапарыңыз әріптестікті нығайтып қана қоймай, еліміздегі жеңіл атлетиканың дамуына ерекше әсер етеді. Қазақстан спортында жеңіл атлетиканың алар орны бөлек. Соңғы алты Олимпиада ойындарында біздің атлеттер бірнеше рет жеңіс тұғырына көтерілді. Екі рет бірінші орыннан көрінді. Сонымен қатар, команда мүшелері әлем чемпионаттарында көзге түсіп жүр. Біз жеңіл атлетика ардагерлері салып өткен сара жолды жалғастырып келеміз. 2020 жылғыТокио Олимпиадасына спортшыларымыз жолдама алып үлгерді. Алдағы іріктеу турнирлерінде лицензия санын көбейте түсуді көздеп отырмыз.  Бізге қолдау көрсетіп, Қазақстанды Орталық Азиядағы көшбасшылар қатарына қосқаныңыз үшін алғысымыз шексіз», –  деді Тимур Құлыбаев.

World Athletics президенті Себастьян Коэ Қазақстанның құрлықтық және әлемдік жарыстарды қабылдауға әлеуеті жететінін айтты. Ол резервтегі спортшылардың шеберліктерін арттыру үшін жағдай жасалғанына ерекше мән берді. Екі күн ішінде ол оқушылар Сарайындағы жеңіл атлетика манежіне барып, Тұңғыш Президент күніне орай ұйымдастырылған «Altay Kids Cup III» балалар турнирінің қатысушыларын марапаттады.

Сондай-ақ  World Athletics басшысы «Барыс-Арена» мұз сарайын аралап, жаңадан салынып жатқан «Жабық жеңіл атлетика кешенінің» құрылысымен танысты. Мәртебелі қонаққа Алматы облысында орналасқан «Ақ Бұлақ» заманауи спорттық базасы да таныстырылды.

Сапар соңында Себастьян Коэ еліміздегі заманауи инфрақұрылымды жоғары бағалады.

Айта кетелік, Қазақстан ҰОК және World Athletics басшылары Халықаралық Олимпиада комитетінің қоғаммен байланыс және спорт арқылы әлеуметтік даму комиссиясының мүшелері.   

Тимур Құлыбаев ҰОК-тің 2020 жылғы Токио Олимпиадасына дайындығын тексерді

Олимпиадаға 178 күн қалғанда еліміздегі басты олимпиадалық ұйымның департамент және бөлім басшылары аралық жұмысын қорытындылап есеп берді.   

27 Қаңтар 2020 13:26 1261

Тимур Құлыбаев ҰОК-тің 2020 жылғы Токио Олимпиадасына дайындығын тексерді

Қазақстан Ұлттық Олимпиадалық комитетінің басшысы Тимур Құлыбаев ҰОК қызметкерлерімен Токиода өтетін XXXII жазғы Олимпиада ойындарына қатысты жиналыс өткізді, деп хабарлайды Ұлттық Олимпиада комитеті баспасөз қызметі. Олимпиадаға 178 күн қалғанда еліміздегі басты олимпиадалық ұйымның департамент және бөлім басшылары аралық жұмысын қорытындылап, есеп берді. Былтырдан бастап ҰОК-те спортшылардың дайындығын бақылап, ұлттық құраманың бас бапкерлерімен тұрақты тілдесіп отыратын арнайы топ құрылған болатын. Спортшылардың шетелдегі жаттығу жиындары мен халықаралық сындар, сондай-ақ,  арнайы іріктеу турнирлеріне дайындығы Олимпиада комитетіндегі спорт менеджерлерінің басты назарында.

«Олимпиада ойындарына дайындық ретінде жоспарланған барлық іс-шаралар күнтізбе бойынша өтіп жатыр. Осы уақытқа дейін ешқандай келеңсіз жағдайға тап болмадық. Барлық құрамаға жағдай жасалған»,- деді спорт дирекциясының директоры Елсияр Қанағатов. 

Оның айтуынша, жолдама жолындағы талас әлі де жалғасуда. Биыл отандық спортшылар екі лицензиялық әлем чемпионаты, 12 әлемдік іріктеу турнирі, 22 әлем кубогінің кезеңі, 30 Гран-при кезеңі мен халықаралық рейтингілік турнирлерге қатысады. Токио Олимпиадасына дайындық кезеңінен бөлек, ҰОК басшысы спорт Дирекциясына жақында Лозаннада аяқталған жасөспірімдердің қысқы Олимпиадасын қорытындылап, сараптама жасауды тапсырды. Айта кетерлігі, жасөспірімдер Олимпиадасында қазақстандық спортшылар жүлдегерлер қатарынан көрінбеді.

«ҰОК қызметі ұлттық құрама командалардың ересек құрамын жаттықтыруға бағытталғанына қарамастан, біз жастар мен жасөспірімдер командаларының дайындығына бей-жай қарамауымыз керек.  Өйткені, бұл біздің болашағымыз. Резервте не болып жатқанын үнемі бақылауда ұстап, келешекте ұлттық құраманы кімге сеніп тапсыратынымызды білуіміз қажет», - деді Тимур Құлыбаев.
«Таза» спорт үшін күрес және допингке нөлдік төзімділік Олимпиадалық комитет жұмысының ең басты бағыттары екені анық. Өткен жылдың желтоқсан айында «Қазақстан Республикасының дене шынықтыру және спорт туралы кейбір заңнамалық актілеріне  өзгерістер мен толықтырулар енгізу туралы» ҚР заңына қол қойылды. Мұнда тыйым салынған дәрі-дәрмектер мен субстанцияларды тағайындағандарға, таратқандарға, қолданғандарға қатал жаза қарастырылған.

«Допингке нөлдік төзімділік тек сөз жүзінде қалмауы тиіс. Егер спортшылар біздің сенімді ақтамай, тыйым салынған заттарға жүгінетін болса, біз оларға қатысты шара қолданамыз. Осы орайда, мұндай әрекеттің жазасыз қалмайтынын және салдары ауыр болатынын басқа спортшылар көруі қажет. Олар спорттан тыс әрекет үшін жауапкершілік үлкен екенін сезінуі керек», - деген ҰОК басшысы спортшыларды ақпарттандыру деңгейін дамыту бойынша жұмыстарды жалғастыруды тапсырды.

Спортшыларға сапалы медициналық қолдау көрсету мәселесі де назардан тыс қалған жоқ. Спорттық медицина және антидопинг Департементінің директоры Ғалия Біләлованың айтуынша, қазіргі таңда кешенді-ғылыми топтарда (КҒТ) жалпы есебі 120 маман жұмыс істейді. Олардың ішіндегі 30 маман Олимпиада ойындары кезінде Қазақстанның медициналық штабында қызмет атқарады. ҰОК президенті КҒТ қызметкерлерін аттестациялауды, кадрлар дайындауды және мамандардың біліктілігін үнемі арттырып тұруды тапсырды.

Жиын барысында жақында Алматы облысында ашылған «Prosport» заманауи спорттық медициналық орталығының үлкен рөлі де сөз болды. Аталған орталықта функционалды тестілеу, спортшыларды оңалту және қалпына келтіру қарастырылған, сондай-ақ, мұндай зертхана мен медициналық аймақ бар. Алдағы уақытта спортшылар көп жиын өткізетін Нұр-Сұлтан қаласында орталықтың филиалын ашу жоспарлануда.

Қазақстан ҰОК-тің бас офисі де үлкен жұмыс атқарып жатыр. Олар Ұлттық құрама спортшылары тек қана басты бәсекелерге дайындалу үшін бар мүмкіндікті жасауда. 2018 жылы ұлттық құрама командалардың дайындығын қадағалау туралы мемлекеттік тапсырманы мойнына алғалы бері, Қазақстан ҰОК толығымен қолма-қол ақшасыз операцияларға өтіп, спортшылардың өзіне де тікелей төлем жіберуде.

Жемқорлық қаупіне жол бермеу Олимпидалық комитеттегі барлық корпоративті жұмыстардың негізі саналады. Былтыр Қазақстан ҰОК пен ҚР сыбайлас жемқорлыққа қарсы Агенттік арасында Меморандумға қол қойылды. Бұл спорт саласындағы ашықтықты, есептілік пен бақылауды көрсетеді.

ҰОК-тің тікелей бастамасымен ұйымдардың жемқорлыққа жол бермеу қаупіне арнайы ішкі сараптама жасалды. Сараптама нәтижесі бойынша, алдағы уақытта ашықтық  пен жемқорлық қаупіне жол бермеу сабақтары туралы ұсыныс айтылды. Одан бөлек, қаржылық есеп аудиті үшін ҰОК осымен төртінші жыл қатарынан Ernst&Young тәуелсіз аудитороның қызметіне жүгінуде. Барлық есептер, мемлекеттік тапсырысты орындауға арналған ҰОК-тің жоспарлы бюджеті, «Олимпиадалық ынтымақтастыққа» қатысты есептердің барлығы да Олимпиадалық комитет сайтында ашық түрде жарияланған және қолжетімді.

«Токиодағы Олимпиада ойындарының басталуына аз уақыт қалды. Олимпиада лицензиясына таласып жатқан спортшылардың ғана емес, құрама команда дайындығын қадағалайтын топтың да жауапкершілігі артатын кезең келді. Ұйымдастыруға қатысты сұрақтардың барлығы ҰОК-те жұмыс істейтіндерге тікелей байланысты. Оның ішінде, спорттық бағыт, халықаралық бағыт, антидопинг мәселесі – барлығы да бар. Олар біздің күн сайынғы бақылауымызды талап етеді. Біздің бірлескен жұмысымызға спортшылардың табысы да байланысты екенін ұмытпау керек», - деді Тимур Құлыбаев.

Айта кетелік, Токиодағы жазғы Олимпиада ойындары 2020 жылдың 24 шілдесі мен 9 тамызы аралығында өтеді. Қазіргі таңда Қазақстан командасы спорттың 14 түрі бойынша 27 олимпиада лицензиясын жеңіп алған.   

Нұр-Сұлтанда әлем чемпионаттарының жеңімпаздары мен жүлдегерлері марапатталды

Салтанатты шараға Қазақстан Ұлттық Олимпиадалық комитетінің президенті Тимур Құлыбаев қатысты. 

09 Қазан 2019 17:02 1639

Нұр-Сұлтанда әлем чемпионаттарының жеңімпаздары мен жүлдегерлері марапатталды

Елордада бокс, күрес түрлері, ауыр атлетика мен спорттық құзға өрмелеу бойынша әлем чемпионаттарының жеңімпаздары мен жүлдегерлерін марапаттау рәсімі өтті деп хабарлайды Ұлттық Олимпиада комитетінің баспасөз қызметі.

Қазақстандық боксшылар Екатеринбургте өткен әлем чемпионатында алты медаль жеңіп алды. Бекзат Нұрдәулетов әлем чемпионы атанса, Қамшыбек Қоңқабаев әлем чемпионатының күміс жүлдесіне ие болды. Сәкен Бибосынов, Тұрсынбай Құлахмет, Василий Левит және Абылайхан Жүсіпов әлем біріншілігінің қола жүлдесіне қол жеткізді.

Нұр-Сұлтанда күрес түрлерінен өткен лицензиялық әлем чемпионатында кілем иелері жеті жүлде жеңіп алды. Грек-рим күресінен Хорлан Жақанша, еркін күрес шеберлері Нұрқожа Қайпанов пен Дәулет Ниязбеков әлем чемпионатының күміс жүлдегерлері атанды.

Грек-рим күресінен Алмат Кебіспаев, Мейрамбек Айнағұлов, еркін күрестен Нұрислам Санаев және әйелдер күресінен Валентина Исламова ел қоржынын қола жүлдемен толықтырды. Сонымен қатар, елорда кілемінде белдескен қазақстандық балуандар Токиода өтетін жазғы Олимпиада ойындарына  сегіз жолдама ұтып алды. 
Ауыр атлет Игорь Сон Таиландта өткен ауыр атлетикадан әлем чемпионатында күміспен күптелді. Жапония астанасы Токиода спорттық құзға өрмелеуден әлем чемпионатында отандасымыз Ришат Хайбуллин қола жүлдемен қатар, Токио Олимпиадасына жолдаманы жеңіп алды. 

Қазақстан Республикасы Үкіметінің қаулысына сәйкес, әлем чемпионаттарында жоғары нәтиже көрсеткені үшін алтын медаль иегеріне – 15 000 АҚШ доллары, күміске – 7 000 АҚШ доллары, қолаға – 5 000 АҚШ доллары көлемінде ақшалай сыйақының сертификатымен марапатталды.   Сонымен қатар, сыйақыға ұлттық құрама бас бапкерлері, спортшының бірінші бапкері  және жеке жаттықтырушылары мен ғылыми-кешенді топтардың өкілдері ие болды.

«Осындағы барлық спортшылар атынан еліміздің Ұлттық Олимпиадалық комитетіне, Қазақстан Республикасының Мәдениет және спорт министрлігіне алғыс айтқым келеді. Тек қана ресми салтанатты шараларда ғана емес, рингте, татамиде, кілемге шығарда, кез келген жарысқа дайындық барысында біз дәл осындай қолдаудың барын сеземіз. Бізге артылған үмітті, сенімді ақтау үшін ешқашан аянып қалмаймыз! Спортшы болғаннан кейін әлемдік аренада ел намысын абыроймен қорғау – біздің Отан алдындағы борышымыз, парызымыз деп білемін. Көк тудың көкте желбіреп, әнұранымызды бүкіл әлем алдында мақтанышпен шырқау – бізге рух беріп, жігерлендіреді», - деді бокстан әлем чемпионы Бекзат Нұрдәулетов.