"Тобыл" Конференция лигасының екінші іріктеу кезеңіндегі қарымта ойында швейцариялық "Базельден" ұтылып қалды. Бірақ екі кездесудің қорытындысы бойынша келесі айналымға шықты. Команданың қарымта кездесуі Қостанайда өтті. "Тобыл" 1:2 есебімен қарсыластарына жол берді. Барлық голдар бірінші таймда соғылды. 26-минутта Антон Каде командасын алға шығарса, 32-минутта Жан-Кевин Августин пенальти соғу арқылы есепті еселей түсті. Үзіліске дейін, 43-минутта Серж Дебле "Базель" қақпасын дәл көздеді.
Естеріңізге сала кетейік, Швейцарияда өткен алғашқы ойында "Тобыл" 3:1 есебімен жеңіске жеткен болатын. Осылайша, жалпы 4:3 есебімен қазақстандық клуб Конференция лигасының үшінші іріктеу кезеңінде Дерри Сити (Ирландия) - КуПС (Финляндия) жұбының жеңімпазымен ойнайтын болды.
Ойыншылар құрамы төмендегідей болды:
"Тобыл": Коновалов, Каиров, Младович, Рогач, Асранкулов, Жарынбетов, Илич, Оразов, Вукадинович, Чесноков, Дебле;
"Базель": Сальви, Шмид, ван Бреемен, Комас, Ланг, Бюргер, Фрай, Миллар, Огюстен, Каде, Ндой.
"Тобыл" (Қостанай, Қазақстан) — "Базель" (Базель, Швейцария) 1:2
Голы: Каде 26 (0:1), Огюстен 32 (0:2), Дебле 43 (1:2)
