"Тобыл" Қазақстан Кубогінің бесінші туры қарсаңында "Таразды" қабылдады. Матч Қостанайдағы Орталық стадионда өтіп, 2:1 есебімен аяқталды. Ойындағы алғашқы гол бірінші тайм аяқталар тұста соғылды. Айып алаңына еш қиындықсыз кірген Бауыржан Байтана жақын бұрышты дәл көздеп, есеп ашты. Бірақ 69-минутта Игорь Сергеев жауапты голды соқты. Кездесудің қосымша уақытында Сұлтан Әбілғазы бұрыштамадан асырылған пасты өз пайдасына жаратып, командасына жеңіс сыйлады.
Москаленко шәкірттері бұл ойыннан кейін 9 ұпаймен өз тобында көш бастады. "Таразда" да 9 ұпай бар, бірақ екінші сатыда тұр.
"Тұран" Қазақстан Кубогінің бесінші туры аясында "Каспиймен" кездесті. "Түркістан Аренада" өткен матч 0:1 есебімен ақтаулық клубтың пайдасына аяқталды.Ойындағы жалғыз әрі шешуші гол 28-минутта соғылды. Допты қарсыласынан тартып алған "Каспий" қорғаушысы Талғат Кусяпов өте алыс қашықтықтан жойқын соққы бағыттап, командасына үш ұпай сыйлады. Қазақстан Кубогіндегі бес ойында да жеңілмеген ақтаулық клуб Д тобында 13 ұпаймен бірінші орында тұр. "Тұран" 6 ұпаймен үшінші орынға сырғыды. "Астана" Қазақстан Кубогінің бесінші туры аясында "Қайсарды" қабылдады. Матч "Астана Арена" стадионында өтіп, 1:0 есебімен аяқталды. Елордалық клубтың жасаған алғашқы шабуылы өте нәтижелі болды. Ойынның 2-минутында Исламбек Қуаттан пас алған Тигран Барсегян гол соқты. Бұдан кейін қос команданың есепті өзгертуге шамасы жетпеді.
Андрей Тихонов шәкірттері бұл ойыннан кейін 10 ұпаймен екінші орынға табан тіреді. 8 ұпайы бар қызылордалық клуб бір саты төменде тұр
Сонымен қатар Қазақстан Кубогінің бесінші туры аясында "Қайрат" пен "Жетісу" комардалары өзара мықтыны анықтады. Матч Алматыдағы Орталық стадионда өтіп, 3:0 есебімен аяқталды. Ойынның небәрі 4-минутында Артур Шушеначев есеп ашты. Ал 18-минутта "Жетісу" қорғаушысының қақпашыға берген пасы жетпей қалды. Нәтижесінде допқа Артур иелік етіп, дубль жасады. 61-минутта әріптесінен пас алған Раде Дугалич алыстан соққы жасап, ойынның нүктесін қойды. "Қайрат" сенімді жеңістен кейін 6 ұпаймен Д тобында үшінші орынға тұрақтады. "Жетісу" 4 ұпаймен соңғы орында қалды.
Ермұхамед Мәулен
