Токиодағы сәтсіздіктіктен кейін Үкімет бірден балалар спортын дамытуға көшті

1960

Премьер-министрдің орынбасары Ералы Тоғжанов елімізде бұқаралық және балалар спортын дамытудың қазіргі проблемалары мен келешегі жөнінде арнайы кеңес өткізді, деп хабарлайды Inbusiness.kz порталы Үкіметтің ресми порталына сілтеме жасап. 

Токиодағы сәтсіздіктіктен кейін Үкімет бірден балалар спортын дамытуға көшті

Кеңеске мәдениет және спорт министрі Ақтоты Райымқұлова, салалық министрліктердің, өңірлер әкімдіктерінің басшылары қатысты. Мемлекет басшысының тапсырмасына сәйкес спорт саласы одан әрі реформалауды талап етеді. Осыған байланысты Премьер-министрдің орынбасары мемлекеттік органдардың алдына бірқатар маңызды міндет қойды. 

"Биыл халықтың спортпен шұғылдануын кемінде 35% нәтижеге жеткізе отырып (бүгінгі күні – 31,6%), нысаналы көрсеткіштерді қайта қарау тапсырылды. Ол үшін әкімдіктерге мемлекеттік спорттық тапсырыс көлемін ұлғайту, қосымша балалар, жасөспірімдер клубтарын, балалар-жеткіншектер спорт клубтарын ашу, мектеп және студенттер спорт лигаларының жұмысын қайта бастау есебінен балаларға арналған тегін спорт секцияларын кеңейту тапсырылды. Сондай-ақ Қостанай, Атырау және Маңғыстау облыстарында спорт мектеп-интернаттарының болмауына байланысты осы өңірлердің әкімдіктеріне олардың құрылысын бастау мәселесін шешу тапсырылды", – делінген хабарламада.

Бұл ретте спорт нысандарын материалдық-техникалық жарақтандыру деңгейін арттыру мәселеніе назар аударылып отыр. Осы жылдың соңына дейін әкімдіктерге 43 дене шынықтыру-сауықтыру кешенінің құрылысын аяқтау, Work-out алаңдары мен басқа да шығынсыз спорт ғимараттарының желісін кеңейту тапсырылды. Спорт нысандарының толық жүктелуіне ерекше назар аудару жүктелді.

"Nur Otan" партиясының мамандандырылған спорт мектептері оқытушыларының жалақысын 2023 жылға дейін екі есе арттыру, 2025 жылға дейін әрбір ауылдық округті спорт нұсқаушысымен қамтамасыз ету жөніндегі жол картасы іс-шараларының орындалуын ерекше бақылауға алу көзделген. Үздік халықаралық тәжірибені ескере отырып, кәсіби спортшыларды, оның ішінде ұлттық құрама командаларын даярлау тәсілдерін қайта қарау және бұқаралық, кәсіби спорт үшін спорт мамандарының (спорт психологтары, биомеханиктер, биохимиктер, диетологтар және т. б.) тапшылығы мәселесін шешу бойынша арнайы бағдарлама әзірлеу тапсырылды.

"Спортқа бағытталатын бюджеттік және бюджеттен тыс қаражаттың тиімді жұмсалуына қатаң бақылауды қамтамасыз ету маңызды. Сала алдында тұрған жаңа міндеттерді ескере отырып, 2025 жылға дейінгі дене шынықтыру мен бұқаралық спортты дамыту жөніндегі қабылданған кешенді жоспарды қайта қарау көзделуде. Мәдениет және спорт министрлігінің елде бұқаралық және балалар спортын дамыту бөлігіндегі өкілеттіктерін кеңейтетін заңнамалық түзетулерді қабылдауды қамтамасыз етпек. Бұқаралық және балалар спортын дамыту мәселелері Үкіметтің ерекше бақылауында болады",– делінген хабарламада.

Аян Бекенұлы
 


Atameken Business Telegram каналына жазылып, маңызды ақпараттардан бірінші болып құлағдар болыңыз ! 

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу