Футболдан талдықорғандық "Жетісу" командасының бас бапкері Самат Смақов Қазақстан Премьер-лигасының алдағы 4 ойынына қатыспайды, деп хабарлайды inbusiness.kz сайты.
Смақов Қазақстан Премьер-лигасының V турындағы "Ордабасы" мен "Жетісу" кездесуінде бас төрешіге тіл тигізіп, әдепсіз сөздер айтқан.
Айта кетсек, аталған кездесуде талдықорғандық клуб қарсыласына 0:1 есебімен жол берді.
Қазір турнир кестесінде бес ойыннан кейін 3 ұпаймен 11-орында келеді.
Самат Смақов "Жетісу" командасы бас бапкері қызметіне өткен жылдың желтоқсан айында келді. Оған дейін Бірінші лигада Семейдің "Елімай" клубына жетекшілік жасаса, одан кейін "Астана" клубының спорттық директоры қызметтерін атқарды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
