Бұған не себеп? Талқылап көрейік.
Елде отынға сұраныс артатын маусым аяқталды. Қысқы кезеңде сұраныс жазға қарағанда 5% төмен болады. Мұнай өңдеу зауыттары мұнай өнімдерінің барлық сортын өндіріп жатыр. Шындығында бензин жеткілікті болуы керек. Желтоқсанның алғашқы тоғыз күнінде мұнай өңдеу зауыттарында 141,8 мың тонна бензин (Аи-92 және Аи – 95) өндірілді. Оның ішінде ШНОС – 54,8 мың тонна. Ал бензин тиеу көлемі – 129,9 мың тонна, оның ішінде ШНОС – 43,3 мың тонна.
Бензин өндіру мен оны жөнелту көлемінде теңгерімсіздік пайда болды (бірі 54,8 мың тонна, екіншісі 43,3 мың тонна). Тиеп-жөнелту көлемі өндірістен 11,5 мың тонна қалып қойды. Өйткені тасымалдаушы бензин құйылған вагонцистерналарды беруді уақытылы қамтамасыз ете алмады.
Бұл проблема қарашаның соңғы күндерінде пайда болды. Алайда 5 желтоқсанға қарай мәселе шешіліп, ШНОС қажетті динамикаға көшті. Бүгінде бензинді жөнелтудің қазіргі көлемі оны өндіру көлемінен асып түседі деп айтуға болады.
Шымкент қаласы мен Түркістан облысындағы жанар-жағармай бекеттерінде қалыптасқан жағдай жақын күндері шешіледі деп айта аламыз.
Жалпы бензин нарығында дүрбелең мен хаос тудыруға ешқандай себеп жоқ. Жасанды тапшылық тудырудың да керегі жоқ.
Ерлан Жаукин
