Бүгін, 17 наурызда, Түркістан қаласындағы заманауи атшабарда көкпардан әлем чемпионаты басталды. Бұл жарысқа әлемнің 9 елінен келген командалар қатысуда: Ауғанстан, Қытай, Мажарстан, Моңғолия, Ресей, Тәжікстан, Өзбекстан, Түркия және Қазақстан.
Жарыстың топтық кезең ойындары 17-19 наурыз аралығында өтеді, ал үздік командалар жартылай финалға жолдама алады. Жартылай финалдық кездесулер 20 наурызда өтсе, 21 наурыз күні чемпион мен жүлдегерлер анықталады.
Айта кетейік, көкпардан әлем чемпионаты соңғы рет 2017 жылы ұйымдастырылған болатын. Енді 9 жылдан кейін тарихи дода Түркістан төрінде қайта өткізіледі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
