Мұндай мәлімдемені 11 шілдеде Вашингтонда өткен баспасөз мәслихатында ел президенті Режеп Тайып Ердоған жасады, деп жазады inbusiness.kz cайты.
"Біздің мақсатымыз – бақылаушы мүше емес, тұрақты мүше болу. Түркия "Шанхай бестігіне" тұрақты мүше ретінде қосылуы керек", – деді ол.
Ердоған бұл мәселені шілде айының басында Астанада өткен ШЫҰ саммитінде талқылағанын айтты.
Ердоған Астанада өткен Саммит аясында өткен "ШЫҰ плюс" кездесуіне қатысты. Онда түрік көшбасшысы шетелдік әріптестерімен, соның ішінде Владимир Путинмен келіссөздер жүргізді. Ресей президенті Ердоғанға Түркияға баруға уәде берді. Астанада Ресей президентімен кездесу барысында түрік көшбасшысы Путинді жақын арада күтетінін айтты.
Кейінірек Ердоған айтқандай, бірлестікке беделі артып келе жатқан бірқатар түркі мемлекеттері кіреді. Ол Түркияның ШЫҰ-ға кіруіне уақыт қажет болуы мүмкін деп қосты.
ШЫҰ саммиті 3-4 шілдеде өтті. Беларусь қосылғаннан кейін ШЫҰ–ға қатысушы елдердің саны 10-ға дейін өсті. Оның құрамына республикадан басқа Ресей, Қытай, Қазақстан, Қырғызстан, Тәжікстан, Өзбекстан, сондай-ақ кейінірек қосылған Үндістан, Пәкістан мен Иран кіреді.
