/img/tv1.svg
RU KZ
Hang Seng 23 372,43 KASE 2 155,58
РТС 955,34 FTSE 100 5 510,33
DOW J 21 641,19 Өнеркәсібі 1 552,50
Тұрмысы төмен отбасыларға арендалық жатақхана салынбақ

Тұрмысы төмен отбасыларға арендалық жатақхана салынбақ

Жамбыл облысында 26 мыңға жуық адам үй кезегінде тұр. 

15 Тамыз 2019 10:19 8902

Тұрмысы төмен отбасыларға арендалық жатақхана салынбақ

Автор:

Әсел Мұратбекқызы

Енді облыс орталығынан 500 отбасыға арендалық жатақхана тұрғызылады. Бұл үй алуға шамасы келмейтіндерге әжептәуір мүмкіндік болады. Себебі қолма-қол қаражатқа немесе несиеге баспана сатып алуды кез келгеннің қалтасы көтере бермейді. Мәселен, Аружан Мұратханова өзінің жеке пәтерінің болғанын армандайды. Қазір екі бөлмелі пәтердің бір бөлмесін жалға алып отыр.

«Баламыз екеуміз тараздық қарияның үйінің бір бөлмесін жалға алып отырмыз. Бағасы – айына 15 мың теңге. Өзім мейрамханада ыдыс жуамын. 7-20-25 бағдарламасы туралы естідік, өте ыңғайлы екен. Енді сол арқылы құжатымды тапсырып, үй алсам деген ойым бар», – дейді Аружан. Төмен  пайызбен  үй алуға мүмкіндік беретін бұл бағдарламадан Аружан сынды мыңдаған адам үмітті.

Жамбыл облыстық экономика және бюджеттік жоспарлау басқармасының бөлім басшысы Марат Жарболовтың айтуынша, қазіргі таңда өңірде 20 кредиттік үйдің құрылысы жүріп жатыр. Оның 9-ы осы тамыз айында пайдалануға беріледі. «Ол үйлер 7-20-25 бағдарламасы аясында тұрғындарға тапсырылады. Оны жас отбасылар мен ұстаздардың сатып алуына мүмкіндіктері мол» , – дейді жергілікті әкімдік өкілі.

Тараз қаласында 2 бөлмелі пәтердің бағасы 7-8 млн теңгеден басталады. Алайда табысы шай-пұлынан артылмайтын, көпбалалы отбасылар үшін бұл қаражатты табу әлбетте қиын. Сондықтан жергілікті билік кезекте тұрған тұрмысы төмен отбасыларға арендалық жатақхана салып бермек.

«Ол үйлерді жалдау құны қымбат болмайды. Тек коммуналдық шығындарын ғана төлейді. Ол шамамен 4-5 мың теңге. Барлық көпбалалы және аз қамтылған отбасылардың проблемасы толықтай шешіледі деп айта алмаймыз, дегенмен аса мұқтаж отбасылар пәтерден-пәтерге көшіп жүрмейді. Өз пәтерлеріне ие болғанша, осы арендалық үйлерде тұрады», – дейді Жамбыл облыстық энергетика және тұрғын үй коммуналдық шаруашылық басқармасының бөлім басшысы Ағабек Мырзабеков.

Әсел Мұратбекқызы

inbusiness.kz-ті қараңыз, оқыңыз :

9 мың жас азамат жалға берілетін тұрғын үй алады

ТМД елдері арасында Қазақстанда ең көп баспана салынған.  

28 Ақпан 2020 19:56 1858

9 мың жас азамат жалға берілетін тұрғын үй алады

Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитетінің төрағасы Мархабат Жайымбетов еліміз тұрғын үй салу бойынша ТМД елдері арасындағы ең жоғары көрсеткішке ие екенін мәлім етті.

Мархабат Жайымбетовтың айтуынша, тұрғын үйді пайдалануға беру көрсеткіші бойынша еліміз Тәуелсіз мемлекеттер достастығы елдері арасында ең жоғары көрсеткішке қол жеткізген. 18,3 млн адам бар елімізде бір тұрғынға баспана беруі – 0,71 шаршы метр. Ресейде – 0,54 ш.м., Белоруссия – 0,40 ш. м., Өзбекстан – 0,36 ш. м.

Мархабат Жайымбетов халықтың әлеуметтік осал топтарының тұрғын үй мәселесі ерекше бақылауда тұрғанын айтты.

«Мемлекет басшысының тапсырмасы бойынша үш жыл ішінде әсіресе аз қамтылған көпбалалы отбасыларды баспанамен қамтамасыз етуді жоспарлап отырмыз. Бұл үшін тұрғын үй заңдарына заңнамалық түзетулер енгізілді және «Нұрлы жер» бағдарламасы арқылы қаржыландыру тетіктері көзделген. Осы санаттағы 40 мыңнан астам кезекте тұрғандардың ішінде 2019 жылы түрлі тетіктер арқылы 7 387 отбасы тұрғын үймен қамтамасыз етілді», – деді комитет төрағасы.

Баспана беруде жастарға да көңіл бөлінуде.

«Елбасы жариялаған Жастар жылы аясында Нұр-Сұлтан, Алматы және Шымкент қалаларында жұмыс істеп жатқан жастардың тұрғын үй мәселесін шешу шаралары қабылданды. 2019-2021 жылдары жастардың 9 мың азаматын жалға берілетін тұрғын үймен қамтамасыз ету көзделіп отыр, 5 жылдық кезеңде осындай пәтерлерде тұрып, тұрғын үй құрылыс жинақ жүйесі бойынша өз тұрғын үйіне қаражат жинауға міндетті. 2019 жылы мұндай баспана 3004 қатысушыға берілді», – деді Мархабат Жайымбетов.

Нұржан Көшкін

 

15 баласы бар отбасыға 159 мың теңге төленеді

Биыл ана мен баланы қолдауға 559 млрд теңге бөлінді.   

17 Ақпан 2020 11:18 1430

15 баласы бар отбасыға 159 мың теңге төленеді

Еңбек және халықты әлеуметтік қорғау министрлігінің алқа отырысында 2020 жылдың 1 қаңтарынан бастап көпбалалы отбасыларға табысына қарамай төленіп жатқан мемлекеттік жәрдемақының тағайындалу тәртібіне өзгеріс енгізілетіні жарияланды. 

Министр Біржан Нұрымбетов алдағы уақытта 8 және одан көп баласы бар отбасылар мемлекеттік жәрдемақыны бала санына қарай алатынын айтты. 

«Қазіргі уақытта 7 баладан әрі қарай біркелкі мөлшерде жәрдемақы жоқ. Сондықтан енді 8 және одан көп баласы бар отбасыларға да біркелкі жәрдемақы беру қарастырылды. Мысалы, 8 балаға - 85 мың теңге, 10 балаға - 106 мың теңге, 15 балаға - 159 мың теңге төленеді», – деді министр.

Естеріңізге салайық, қаңтар айынан бастап кәмелетке толмаған төрт және одан да көп балалары, оның ішінде 23 жасқа дейін студент балалары бар отбасыларға төленетін мемлекеттік жәрдемақы көлемі 4 балаға – 42 496 теңге, 5 балаға – 53 127 теңге, 6 балаға – 63 757 теңге, 7 және одан көп балаға – 74 388 теңге болып бекітілген. 8 және одан көп баласы бар отбасыларға  – 74 388 теңге тағайындалған болатын. Олар бұдан артық ақша алмайтын. 

Министрдің мәлімдеуінше, бүгінгі таңда 370 мың көпбалалы отбасы табысына қарамай мемлекеттік жәрдемақы алып отыр. 

«Былтыр ана мен баланы қолдауға 372 млрд  теңге бөлінді. Биыл бұл мақсатқа 559 млрд теңге қарастырылды. Көпбалалы отбасыларды қолдау көлемін әлі де көбейту керек деп ойлаймыз. Жәрдемақының түрлері мен оны төлеудің мерзімін ұлғайтуды қарастырып жатырмыз», – деді Біржан Нұрымбетов.

Қанат Махамбет

inbusiness.kz-ті қараңыз, оқыңыз :

Жаңалықтарға жазылу: