Ресей билігінің мәліметінше, соққылар Тамбов облысындағы Котовск қаласы мен Мәскеу облысындағы Электросталь қаласында орналасқан Wildberries қоймаларына жасалған, деп жазады inbusiness.kz сайты REUTERS басылымына сілтеме жасап.
Котовскідегі қоймада түнгі ауысым кезінде жұмыс істеген 7 адам қаза тауып, ондаған адам түрлі деңгейде жарақат алған. Электростальдағы нысанда да жараланғандар бар.
Украина Президенті Владимир Зеленский шабуыл жасалған нысандар Ресейдің әскери өнеркәсібіне қызмет еткенін мәлімдеді. Оның айтуынша, қоймаларда дрон өндірісіне арналған санкциялық электрондық компоненттер мен навигациялық жабдықтар сақталған.
Ал Ресей тарапы бұл мәлімдемені жоққа шығарып, Wildberries қоймалары азаматтық мақсаттағы логистикалық нысандар болғанын және шабуылдың бейбіт инфрақұрылымға қарсы жасалғанын мәлімдеді.
