Ұсынылған ақпаратқа сай, ANOC Қазақстан Ұлттық Олимпиадалық комитеті 2024 жылғы Париж Олимпиадасын насихаттау кезінде әлеуметтік желілерде жоғары нәтижеге қол жеткізгенін анықтаған.
Мәселен, Қазақстан әлемдегі барлық ҰОК арасында жазылушылар қызығушылығы бойынша 1,472% көрсеткішпен рейтингте екінші орын алды. Бірінші орынды Хорватия алды (1,582%). Ал рейтингтің үшінші сатысына 1,428% көрсеткішпен Венгрия жайғасты.
Бұл ретте Қазақстан ҰОК пайыздық қатынаста жазылушылар санының артуы бойынша әлемдегі үздік он елдің қатарына енді – 53,8%.
Біздің ел сандық қатынаста әлеуметтік желілердегі жазылушылар санының артуы жөнінен анағұрлым жақсы көрсеткішке ие үздік 20 елдің қатарында тұр.
Айта кетелік, Бакудегі семинар үш күнге жалғасты және оған Еуропа, Африка және Азия елдерінің ҰОК өкілдері қатысты.
Шарада 2024 жылғы Париж Олимпиадасын өткізу кезінде медианы тиімді пайдалану мәселелері талқыланды.
