/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 446,88 Brent 36,55
Үш жолдама қалтада

Үш жолдама қалтада

Қазақстандық велошабандоздар 2020 жылы Токиода  өтетін Олимпиада ойындарына үш жолдама жеңіп алды. 

17:06 18 Қараша 2019 1457

Үш жолдама қалтада

Автор:

Ермұхамед Мәулен

Бұл ақпарат Халықаралық велесебедшілер одағының (UCI) олимпиадаға жолдамалар көлемін ресми түрде расталғанынан кейін жарияланды. Олимпиадалық санаттың регламентіне сәйкес жолдамалар мемлекеттердің әлемдік рейтингтегі иеленген орынына байланысты берілді. Рейтингтік ұпайлар жинау 2018 жылдың қазан айының 22-інен бастап 2019 жылғы 22 қазан аралығында өтті.  

Осы уақыт аралығында Қазақстан  3259,35 ұпай жинады. Бұл біздің құрамамызға Әлемдік рейтингте 19-орынға жайғасуға мүмкіндік берді. Естеріңізге сала кетсек, 1-орында Франция, 2-орында Бельгия және Италия командасы үздік үштіктің қатарын толықтырды. Қазақстан құрамасының осы көрсеткішінің нәтижесінде командаға үш жолдама берілді. Сонымен берілген жолдамаларды  UCI ресми түрде растады. Осылайша, 2020 жылы өтетін Олимпиада ойындарында топтық жарыс бойынша үш шабандоз Қазақстан намысын қорғайтын болады. Осы үштік арасынан тағы бір шабандоз жекелей жарысқа қатыса алады.

«Афинада (2004) өткен Олимпиада ойындарынан кейін топтық жарыста Қазақстан атынан алғаш рет үш шабандоз өнер көрсетеді. Айта кетуім керек, осыған дейінгі өткен олимпидаларда Қазақстан құрамасының атынан екі спортшы ғана қатысатын. Ең алдымен мұның барлығы бірлесіп атқарған жұмыстың нәтижесі. «Астана» велокомандасы үлкен үлес қосты. Сонымен қатар құрлықтық «Астана-Сити» және Vino - Astana Motors командаларының қосқан үлесін де атап өтуіміз керек. Қажетті рейтингтік ұпайлар жинау үшін барлығы тер төкті. Олимпиада алдындағы маусымда тек осыған басты назар аударылды және тапсырманы толықтай орындап шықтық деп айтуға болады. Маңызды қадамдардың бірі Ташкентте өткен Азия чемпионатында жасалды.

Онда біздің шабандоздарымыз өздерін тек жақсы қырларынан танытты. Ерлер арасында өткен жарыста спортшыларымыз үш алтын жүлде иемденді.

Сонымен қатар Алексей Луценконың маусымды тамаша өткізгенін атап өткім келеді. Шабандозымыз Қазақстан қоржынына жалпы Азия құрлығының бір де бір мемлекеті жинай алмаған ұпайды тек жалғыз өзі әкелді»,– деді Қазақстан Велоспорт Федерациясының президенті Нұрлан Смағұлов.

Айта кететін бір жәйт, Токиодағы Олимпиадаға  тас жолдағы велоспорттан өтетін сайыста 197 велошабандоз  (ерлер саны 130 және әйелдер 67) бақ сынайтын болады.

Ермұхамед Мәулен

«Астана» Эрнандо Бооркеспен келісімшарт уақытын ұзартты

«Астана» командасы колумбиялық велошабандоз Эрнандо Бооркеспен 2020 жылғы маусымға арналған жаңа келісімшартқа қол қойғаны жайлы хабарлайды.

30 Қазан 2019 23:47 1734

«Астана» Эрнандо Бооркеспен келісімшарт уақытын ұзартты

- Ең әуелі осындай мүмкіндік сыйлап отырған командаға алғысымды білдіремін. Биылғы маусымда орын алған оқиғалар мен денсаулығыма қатысыты мәселелерден соң қиынға соққан кезеңнен кейін мұның мен үшін маңызы зор. «Астана» командасы маған ұнайды. Өзімді отбасымдағыдай сезінемін. Жаңа маусымда алдыма жаңа мақсаттар қойып, толықтай дайынмын. Команданың көмегімен және отбасымның қолдауының арқасында мен 2020 жылғы маусымда «Астананы» барынша жақсы қырынан танытуға тырысамын, - деді Эрнандо Бооркес.

Эрнандо Бооркес (27 жаста) жыл басында (Колумбия турының 5-кезеңінде) және маусымның екінші жартысында (Фурми Гран-Приі) жарыс барысында құлап, маусымды өте қиын өткізді. Екі рет құлағаннан кейін шабандоз ауыр жарақат ала қоймағанымен, бірінші құлағанда арқасын жарақаттаса, екінші рет Бооркес бетін қатты жарақаттап алды.

Жолы болмағанына қарамастан Эрнандо Бооркес командалық шабандоз және көшбасшылардың көмекшісі ретінде өзін жақсы жағынан танытып үлгерді. Сонымен, ол «Колумбия турында» жеңіске жеткен Мигель Анхель Лопеске көмек көрсетті. Сонымен қатар «Критериум дю Дофине» веложарысында Якоб Фульсанг жетістікке жеткенде оның жанынан табылды.

- Өкінішке қарай,  биыл Эрнандоның жолы болмады. Ол жыл басында сәтсіз құлап, арқасын жарақаттап алып, екі жарым ай жарыстарға қатыса алмады. Ал маусым соңында тағы да құлап, жылды осылайша аяқтауға тура келді. Дегенмен, ол «Колумбия турында» Мигель Анхель Лопеске көмек көрсетіп, жігерлілік танытып, бізді таңдандырды. Сонымен қатар ол «Критериум дю Дофине» велододасында Якоб Фульсангқа, ал «Германия турында» Алексей Луценкоға көмек көрсетіп,ауқымды жұмыс атқарды. Сондықтан біз Эрнандоның физикалық және рухани тұрғыдан қайта қалпына келетініне сенімдіміз. Және алдағы маусымда оған тағы бір мүмкіндік бергіміз келеді. Ол бізді таңқалдырады деп ойлаймын, - деді «Астананың» бас менеджері Александр Винокуров.

Ермұхамед Мәулен

Евгений Гидич фотофиништің нәтижесі бойынша екінші орында

Бүгін Осиектен басталған «Хорватия туры» веложарысы Липикте тамаша спринтпен аяқталып, жеңімпаздар тек фотофиништің нәтижесінен кейін анықталды. 

03 Қазан 2019 10:32 1632

Евгений Гидич фотофиништің нәтижесі бойынша екінші орында

Фото: astanaproteam.kz

Төрешілердің шешіміне сәйкес «Астана» командасының шабандозы Евгений Гидич бас классификацияның және бүгінгі кезең жеңімпазы словениялық Марко Кумптен соң, екінші орынға ие болды. Румыниялық велошабандоз Эдуард Гросу үздік үштік қатарына ілікті.

«Жарыс біз үшін жақсы өтті. Небәрі 1 миллиметр ғана ұтылдық. Бәлкім финишке сәл ғана кеш жеттім. Жігіттердің барлығы жақсы жұмыс атқарды. Жарысты өз бақылауымызда ұстадық. Шабуылдар да болды. Шабандоздарымыз әрбір алға озған топ арасында болуға тырысты және топтардың санын азайту үшін ауқымды жұмыс атқарды. Сол үшін командаға алғысымды білдіремін. Екінші орын да жаман емес. Жақсы нәтиже көрсету үшін жұмыс жасауды одан әрі жалғастырамыз. Веложарыс көпкүндік, енді ғана басталды. Алда әлі 5 кезең бар. Өзімді тамаша сезінемін. Бұдан кейінгі кезеңдерде де таласқа түсуді одан әрі жалғастырамын. Бас классификация бойынша мықты бәсекелестеріміз бар. Сол себепті көре жатармыз»,–деді фиништен соң Евгений Гидич. 

«Бүгін сайыс өте қызықты өтті. Жарыс жолының 60-шақырымына жеткенде қапталдан жел соқты. Ол кезде біздің командамыз алда болатын. Содан соң, Бахрейннен келген команда жылдамдықтарын күрт үдетіп, команда екіге бөлініп кетті. Бірақ біздің жігіттер алғашқы топта қалып, бірігіп жақсы әрекет етті. Негізгі топтан 40 секундтай басымдылыққа ие болды. Алайда финишке дейін 140 шақырым бар болғандықтан, 100% барын салып жүрудің мәні болмады. Кейінірек екі топ бірікті. Содан кейін алға озғандар болды. Оларды қуып жетті. 140-150 градус болатын айналымдар да болды. Осылардың барлығына қарамастан, команда тек алда болды. Жігіттер 100% барын салып жұмыс істеді.  Соңғы екі шақырымда  Евгений Гидич 3,4-позицияда болды. Финиш қызықты болды. Себебі бір уақытта бірден үш шабандоз мәре сызығын кесті және фотофиништің қорытындысы бойынша біз небәрі бір миллиметр ғана ұтылдық. Төрешілер нақты шешімге келе алмай, алдымен Евгений бірінші дегенімен, соңғы шешім бойынша жеңіс словениялық шабандозға бұйырды. Жалпы бүгінгі кезеңнің нәтижесіне көңіліміз толады. Велоспортта тек қана секундтар емес,бір ғана миллиметр жеңіске әкелетіні қызық болды, – деді спорт директоры Сергей Яковлев.

Ермұхамед Мәулен