Петиция бастамашылары қазақстандық өндірісті бірнеше рет сынады, сондықтан делегация мүшелерін өндірістік процестің барлық кезеңдерімен таныстыру бағдарламаның маңызды бөлігі болды.
"АгромашХолдинг KZ" АҚ – Қазақстандағы "ESSIL", "LOVOL" және "КИРОВЕЦ" маркалы ауыл шаруашылығы техникаларын, атап айтқанда комбайндар мен тракторларды шығаратын жалғыз кәсіпорын. Кәсіпорынның ауданы 36 мың шаршы метрден асады.
Оның жалпы өнімділігі жылына 5 мың бірлікті құрайды. Зауыт ауыл шаруашылығы көліктерінен басқа, жалпы машина жасау тораптарын және бөлшектерін шығарады, сонымен қатар ауыл шаруашылығы техникаларына кепілдік және техникалық қызмет көрсетеді.
Allur – еліміздегі көліктердің барлық түрін шығаратын жалғыз кәсіпорын. Зауыт Kia, Chevrolet, JAC, Jetour, Hongqi және Skoda маркалы көліктер шығарады. Өндіріс бөлшектерді дәнекерлеуді, бояуды және құрастыруды қоса алғанда, автокөлікті құрастыруға арналған CKD технологиясын қамтиды.
Автомобиль тексеруден және қорытынды тексеруден өтетін сынақ жолы бар. Allur автомобиль зауытының операциялық директоры Виталий Крист қызметкерлерді оқыту және олардың біліктілігін сақтау кәсіпорын өнімінің сапа көрсеткіштеріне қол жеткізудің негізгі элементі екенін атап өтті.
Өндіріс орындарын аралаудан кейін жұмыс тобы петицияны қарау аясында ағымдағы мәселелерді талқылауға кірісті. Соның бірі ауыл шаруашылығы техникасының бағасына қатысты. Петиция бастамашысының айтуынша, Қазақстанда бұл басқа елдермен салыстырғанда әлдеқайда жоғары.
"Агромашхолдинг KZ" АҚ президенті Динара Шүкіжанова, мысалы, Ресейде ауыл шаруашылығы техникасын өндірушілерді мемлекет субсидиялайтынын және оның субсидияларды есепке ала отырып, нарыққа арзандатылған бағамен шығатынын түсіндірді. Қазақстанда мемлекет шаруаларға техника сатып алған кезде субсидия береді, сондықтан бағасы басқа. Бірақ, шын мәнінде, нәтижесінде қазақстандық және ресейлік фермерлер комбайндар мен тракторларды бірдей бағамен сатып алады.
Ауыл шаруашылығы вице-министрі Азат Сұлтанов петиция бастамашысының тағы бір шағымына жауап берді. Бұл мемлекеттік органдардың жағынан утиль алымы мәселелерінде талдаудың жоқтығына қатысты.
Азат Сұлтанов петицияны қараудың мақсаты – ауыл шаруашылығының өздігінен жүретін техникаларына утиль алымының ауыл шаруашылығы өндірісіне әсерін анықтау екенін түсіндірді.
"Қазақстанда ауыл шаруашылығы техникасының болуы, оның сапасы мен қолжетімділігі туралы мәселе бірнеше рет көтерілді. Тракторларды, өзі жүретін доңғалақтыларды алайық. Бұған дейін жылына орта есеппен 4 200 трактор сатып алынса, оның 30-60 %-ы Беларусь елінде шығарылған доңғалақты тракторлар болатын. Утиль алымы Беларусь тракторларының Қазақстанға әкелінуіне кедергі болды. Нәтижесінде, олардың өндірісі Қазақстан Республикасындағы үш зауытқа берілді. Шын мәнінде, сатып алынған көлем осы жерден шығарыла бастады. Ал көлемдер төмендеп қана қоймай, тіпті өсті. Бұған инвестициялық субсидиялар түріндегі мемлекеттік қолдау шарасы ықпал етті. Жалпы, талдау утиль алымын енгізу арқылы ауыл шаруашылығы өндірісі үшін теріс салдарлардың анықталмағанын көрсетті", – деді Ауыл шаруашылығы вице-министрі.
"Жасыл Даму" АҚ басқарма төрағасының орынбасары Шынасыл Ерназар кәсіпорын жұмыс істеген кезеңде утиль алымы 447 млрд теңгені құрағанын айтты.
Бұған қоса, бұрынғы оператордың "Оператор РОП" ЖШС-не активтерді беру аясында 219 млрд теңге аударылды.
"Көлік және ауыл шаруашылығы техникасын өндірушілер жалпы сомасы – 216 млрд. Заңды тұлғалардан импорттаушылар елге екі жыл ішінде 110 миллиард теңгенің, жеке тұлғалар 91 миллиард теңгенің автокөліктерін әкелді, бұл жалпы көлемнің 20 пайызын құрайды, мұны автомобиль саласының мазмұны деп атауға болмайды. 2023 жылы бір адамға 280-нен астам көлік әкелген жеке тұлғалар бар. Жылына 50-60 көлік әкелетіндер бар, бұл жеке адамдардың тең жартысын құрайды", – деді Шынасыл Ерназар.
