Венесуэлада екі күшті жер сілкінісінен кейін қаза тапқандар саны 1430, жараланғандар саны 3238 адамға дейін өсті, деп хабарлайды inbusiness.kz сайты Анадолы агенттігіне сілтеме жасап.
Елде іздестіру-құтқару жұмыстары жалғасып жатыр, сондықтан құрбандар саны артуы мүмкін деген қауіп бар. Венесуэла Ұлттық ассамблеясының төрағасы Хорхе Родригес екі жойқын жер сілкінісінен кейінгі жағдай туралы мәлімдеп, 3142 отбасының баспанасыз қалғанын айтты.
АҚШ Геологиялық қызметінің мәліметінше, 24 маусымда Венесуэлада 39 секунд аралықпен магнитудасы 7,2 және 7,5 болатын екі жер сілкінісі болған. Жер сілкіністерінің бірі Яракуй штатындағы Юмаре қаласынан оңтүстік-шығысқа қарай 23 шақырым жерде, екіншісі Сан-Фелипе қаласынан солтүстік-шығысқа қарай 24 шақырым жерде тіркелген. Олардың тереңдігі тиісінше 10 және 21,9 шақырым болған.
Қазіргі уақытта құтқару жұмыстары жалғасып жатыр.
