Бұған дейін Ресей атынан өнер көрсеткен қазақстандық мәнерлеп сырғанаушы Софья Самоделкина виза мәселесіне байланысты 22–23 қарашада Финляндия астанасы Хельсинкиде өтетін Гран-при кезеңіне қатыса алмайды.
Бельгиялық спортшы Нина Пинзарро жарысқа қатыса алмайтындықтан, резервтегі спортшылар арасында рейтингте бірінші орында тұрған Софьяға шақырту келді. Өкінішке қарай, Софьяның елге (Финляндия) кіру үшін қажетті рұқсат қағазы уақытында алынбады.
Самоделкина Гран-при кезеңінде жоғары нәтиже көрсеткен жағдайда Жапонияда өтетін финалда өнер көрсету мүмкіндігіне ие болар еді. Бұған дейін ол Жапониядағы Гран-при кезеңінде күміс медаль жеңіп, екі бағдарлама бойынша 200 ұпай жинаған.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
