"Бешикташ" футбол клубының спорт директоры Джейхун Казанджи баспасөз мәслихатында клуб енді жаңа маусымнан бастап Түркияда легионер болып есептелмейтін қазақстандық футболшыларды қарастырып жатқанын растады. Дәл осындай ереже басқа түркі елдері – Әзірбайжан, Қырғызстан, Түркіменстан және Өзбекстан ойыншылары үшін де енгізілген.
"Жаңа ережеге байланысты біз білетін ойыншылар бар. Біз қазақстандық Бақтиер Зайнутдиновты ЦСКА-дан ауыстыруға мүдделіміз", - деді Казанджи.
Зайнутдиновтың ЦСКА-мен келісім шарты 2025 жылға дейін. Қыста оған Италияның А сериясынан командалардың бірі қызығушылық танытқаны белгілі болды. Ал "Бешикташқа" келер болсақ, команда өткен маусымда күміс жүлдені жеңіп алып, Конференция лигасына жолдама алды.
Осы орайда футболдан Қазақстан ұлттық құрамасының бас бапкері Магомед Адиев Бақтиер Зайнутдиновтың ЦСКА-дан Стамбулдың "Бешикташ" клубына ауысуы мүмкін деген жаңалыққа өз пікірін білдірді.
"Бақтиер қазірдің өзінде танымал клубта ойнап жүр. Жалғыз кемшілігі - қазір Ресей спортына санкциялар бар, еурокубоктар жоқ. Осы жағынан қарастырсақ, түрік лигасына өту белгілі бір дәрежеде дұрыс болар еді. "Бешикташ" - бұл жоғары деңгейлі клуб. Шешімді Зайнутдиновтың өзі қабылдауы керек. Мен оны кез келген жағдайда қолдаймын.
Сіз оны қалай пайдаланғысы келетінін және оны қай жерде көретінін түсінуіңіз керек. Менің ойымша, ұлттық құраманың жаттықтырушысы ретінде мен де, жанкүйерлер де оның ол жерге барып, орындықта отырғанын қаламайды. Егер команданың жаттықтырушысы оған шындап сенім артатын болса, онда сөйлесіп, қос таптың пікірі сәйкес келсе, бұл тек плюс болады", - деді Әдиев.
Сонымен қатар маусым айы бойы түрік ақпарат құралдары "Трабзонспордың" Нұралы Әліпке қызығушылық танытқаны жайлы жарыса жазған еді.
