/img/tv.svg
RU KZ
Hang Seng 28 025,19 FTSE 100 7 610,70 KASE 2 345,57 РТС 1 634,32 DOW J 29 335,30 Мыс 6 160,84
Ауа райы:
-7Нур-Султан
-5Алматы
Hang Seng 28 025,19 FTSE 100 7 610,70
KASE 2 345,57 РТС 1 634,32
DOW J 29 335,30 Мыс 6 160,84
Жастарымыз жеңіліп қалды

Жастарымыз жеңіліп қалды

Еуро 2021 додасының іріктеуі аясында Қазақстан жастар құрамасы өз алаңында жеңіліс тапты.

11 Қыркүйек 2019 02:39 1421

Жастарымыз жеңіліп қалды

Өз тобында бірінші орында тұрған Қазақстан жастар құрамасы өз алаңында Израильден жеңіліп қалды. Ойын есебін қонақтар ашып, Москаленко мен Нұрдәулетов шәкірттеріне алғашқы соққы жасады. Алайда, 22-минутта «Қайрат» ойыншысы Вячеслав Швырев таразы басын теңестірді. Ал 29-минутта Қазақстан жастары пенальти тебу мүмкіндігіне ие болды. Бірақ, жартылай қорғаушы Акмаль Бахтияров 11-метрліктен гол сала алмады.

Матч аяқталуға жақын қалғанда қонақтардың бір шабуылы нәтижелі болып, қазақ жастары бір ұпайдан да айырылып қалды.

Қазақстан U-21 - Израиль U-21 - 1:2

Голдар: Вячеслав Швырев 22 - Эйлон Альмог 2, Томер Йосефи 83

Ермұхамед Мәулен

inbusiness.kz-ті қараңыз, оқыңыз :

Жанкүйер қауым эль-классиконы тағатсыздана күтіп жүр

18 желтоқсанда Барселонаның «Ноу Камп» стадионында «Барселона» - «Реал Мадрид» арасындағы ойын өтеді.    

17 Желтоқсан 2019 19:35 1563

Жанкүйер қауым эль-классиконы тағатсыздана күтіп жүр

Барселона қаласы футболмен тыныстап тұр екен. Эль-классико деп аталатын «Барселона» мен «Реалдың» арасындағы ойын жанкүйер қауым үшін нағыз мереке.  

Бұл ойын - полиция мен жергілікті халықтың қақтығысына байланысты кейінге шегеріліп отырған матч. Әйтпесе, Испан Ла-лигасының 10-турында өтуге тиіс болған. Алайда 18 желтоқсанға шегеріліп, саяси жағдайдың тынышталуын күткен. Азаттық аңсаған халық бұл ойынның кезінде де өздерін бір көрсетіп қалмақ. Билік тарапы да бұл жағдайға дайындық жүргізіп, 3 мыңға жуық әскер бөлген екен.

Ал эль-классико осыған дейін 242 рет ойналыпты. 96 ойында «Барса» жеңсе, 95 кездесуде «Реал» басым болған. 51 ойын тең аяқталған. Көрсеткіштер бірдей десек болады. Сондықтан да атақты клубтар арасындағы айқас үнемі өзгеше өтеді. Жаңарған статистика, ғаламат голдар, тіркелген рекордтар, жанкүйер жүрегінде қалатын жайттардың барлығы осы эль-классикода болып жатады. Зинедин Зидан бастаған «Реал» бар мықтысын сайлап, дайындап әкеліпті. Заманымыздың заңғар футболшысы Леонель Месси де өз әріптестерін қайрап отырғаны сөзсіз.

«Барселона» шабуылшысы Антуан Гризманның сұхбатын оқыдық. «Бұл ойынды бүкіл әлем тамашалайды. Мен де үнемі теледидардан жібермей тамашалайтын едім. Енді міне, бұл жолы испан футболының басты матчына өзім де қатысқалы отырмын. Бар күшімді салып, жақсы ойнауға тырасамын» депті француз ойыншысы.

Ал кезінде «Барселонаның» намысын қорғаған атақты шабуылшы Самуэль Это`о бұл ойында «Барселона» жеңетініне сенімді. «Барселона» «Реалға» қарағанда мықтырақ. Мен екі клубты да сыйлаймын. Бірақ, жеңіс «Барселонада» болады деп ойлаймын», -деді ол.

Дегенмен, бұл ойында «Реал» жеңеді деп ойлайтындар да жетіп артылады. Ал ойынға төреші болып Эрнандес Эрнандестің тағайындалуы «блоу грананың» жанкүйерлерінің көңіліне күдік салды. Бұл төреші өткен жылы «Барселона» ойыншысы Серхио Робертоны алаңнан қуып, «Реалмен» болған ойын 2:2 тең аяқталған болатын. Ал Испан ла-лигасында бұл төреші 16 рет «Барселона» ойынында қазылық еткен. Соның тек 9-ында ғана «Барселона» жеңіске жетіпті. Сондықтан бұл төрешінің тағайындалуын каталониялықтар аса қатты жақтырып отырған жоқ. Тіпті кейбір жанкүйерлер оны саясаттың салқыны деп есептеп жүр.  

Не де болса, барлығы ойын барысында белгілі болады. Қазақстанда да бұл ойынды теледидар арқылы тамашалайтын қызуқанды жанкүйер көп.  

Ермұхамед Мәулен

"Астана" атақты қарсыласқа қандай сый жасайды?

"Астана" - "Манчестер Юнайтед" матчының қарсаңында қандай қызықтар болып жатыр?

25 Қараша 2019 21:56 1878

"Астана" атақты қарсыласқа қандай сый жасайды?

Елордада нағыз футбол бумы болып жатыр. Себебі, Қазақстан астанасына атақты «Манчестер Юнайтед» келе жатыр. Бұл ойынға қалай баруға болады? Билетті қайдан табасыз? Осы сауалдарға жауап іздейміз.   

Еуропа лигасының аясында өтетін «Астана» - «Манчестер Юнайтед» арасындағы ойынның қарсаңында көптеген қызықтар болып жатыр. Матчқа дейінгі уақыт азайған сайын билеттердің де бағасы қымбаттауда. Қазір стадионға кіруге рұқсат беретін билетті тек қомақты қаржыға ғана сатып аласыз. Нағыз жанкүйерге осындай тұста не істеу қажет? Футбол жанкүйері Әлібек Даңғарин болса былай дейді: - Мен бұл ойынды ұзақ күткен едім. Клуб ресми түрде билеттер сатылымға шықты деген кезде билет құны 4000 теңгені құрады. Алайда сол сәтте билет сататын сайтқа кіріп билет ала алмадым. Себебі, сайт жұмыс істемей қатып қалды. Қанша уақыт пен жүйкені құртты. Нәтижесінде мен билетсіз қалдым. Енді ойынға үш күн қалғанда тағы да билеттер сатылымға шығады дейді. Ең төменгі баға 40000 ды құрап тұр. Алып-сатарлардан алсаңыздар билет құны 2 немесе 3 есе қымбат болады. Мен әлбетте «Астана» командасын жақсы көремін, алайда мұндай соманы жаратып турнирлік маңызы жоқ ойынды көргім келіп тұрғаны шамалы.

«Астана» командасы құрылғалы бері билеттен мұндай тапшылық орын алмаған еді. Тіпті Чемпиондар лигасының топтық кезеңіндегі ойындарға кіру оңайырақ болды. «Манчестер Юнайтед» келетін болғандықтан ел чемпионы билет құнынан қаржы тапқысы келетіні анық.

Әлібек Даңғарин бұл мәселеде "Астана" клубының басшылығы асыра сілтеп отыр деп есептейді. "Менің ойымша бұл «Астана» клубының басшылығының жасап отырған саясаты. «Атлетикоға» қарсы өткен ойында мұндай болмап еді" дейді футбол фанаты.

«Манчестер Юнайтедтің» фанаттары бүкіл әлемде бар. Олардың біршамасы біздің Қазақстанда да тіркелген. Солардың бірі «Astana Reds» жанкүйерлер тобы. Сол топтың белді мүшесі Асқар Зиннуллин. Нұр-Сұлтан қаласында МЮ жанкүйерлері жетіп артылады. Олар жиналып сүйікті команданың ойынын теледидардан бірге тамашалайды. Асқар манкунияндықтардың жанкүйері болғанына 19 жыл болыпты. Клубтың дәуірлеген шағы Сэр Алекстің кезінде еді дейді тәжірибиелі фанат. "Сәтсіздіктің барлығы Сэр Алекс пен Дэвид Гиллдың кетуінен кейін басталды. Сосын клуб басшысы Эд Вудворд әр 1,5-2 жыл сайын бапкер ауыстырғаны да дұрыс емес". 

Ойынға бір күн қалғанда фанаттар көшеге шығып шеру өткізбекші. Мыңға жуық адам сүйікті клубтың жалауын желбіретін қалаға футбол атмосферасын бермекші. Бұл шеруді көру үшін оның қай жерде өтетінін білгеніміз дұрыс. "27-28 қараша күндері Мәскеуден, Минскіден және Британияның өзінен фанаттар ағылып келе бастайды. Біз оларды қарсы аламыз" дейді Асқар. 

«Олд Трафордқа» барып сүйікті командасының ойынын көргісі келген жанкүйер бұл матчқа қандай көзқараста? "Ол сәтті әл ұмытпаспыз. Жеребеде бізге «Манчестер Юнайтед» түскен шақты қуанышымызда шек болмады. Уатсаптағы топтарымызда хаттар толып, телефоным жарылып кете жаздады" дейді "МЮ" фанаты. Болатын ойынның алдында біз футбол жайлы мақала жазатын блогерлер мен тілшілердің де пікірін сұрадық. Олардың қатарында да атақты клубтың жанкүйерлері бар болып шықты. Мысалы комментатор Евгений Акманов "қызыл сойқандардың" жанкүйері. 

"Бұл жерде ең басты мәселе ынта-жігерде. Мю өзінің негізгі мақсатын шешіп қойған. Ал «Астанада» барлығы керісінше. Өз алаңында алғашқы ұпайын еншілегісі келеді. Оның үстіне трибуна толып, «Астана» қолдауға ие болады. Онымен қоса жасанды алаң мен күн райы алаң иелеріне көмектесуі тиіс" дейді. 

Англияның атақты клубы қазір бұрынғыдай емес. Оның басты себебі Сэр Алекс Фергюссонның қызметтен кетуі. Соңғы 6 жыл бойы команда өз деңгейінде өнер көрсете алмай келеді. Соңғы рет олар 2017 жылы Жозе Моуриньоның баптауымен Еуропа Лигасын жеңді. Одан кейін тізгінді Оле Гуннар Сульшер ұстады. «Қызыл сойқандар» әлемде жанкүйері көп, әрі ең бай клуб екені бесенеден белгілі. Әл-қуаты біразға жететін команданың екінші деңгейлі жарыста жүргені не жорық?

"Қазір клубты басқару әдісі өзгерді. Бұрын Сер Алекс кезінде команда ойынымен көзге түсетін. Ал қазір басшылық футболдың айналасындағы жағдайдың өзінен қаржы табуға көшті. Сосын ойынның өзіне аса қатты мән беріп жатқан жоқ" дейді комментатор Евгений Акманов. 

Жұмыс кестесінің тым қауырт болғандығынан Евгений бұл ойынды трибунадан тамашалай алмайды. Алайда, өзімнің сүйікті командам, «Манчестерге» жанкүйер боламын дейді. Сондықтан да біз комментатордан ойынға болжам сұрадық.

"Мен 20 жыл бойы «Манчестерге» жанкүйермін. Алайда бұл ойында «Астана» жеңілмейді деп ойлаймын. Есеп 1-1 немесе 2-1 болуы тиіс" дейді Евгений.

Матч 28-қараша күні «Астана Арена» стадионында өтеді. Басталуы 21-50де.

Ермұхамед Мәулен

inbusiness.kz-ті қараңыз, оқыңыз :

Жаңалықтарға жазылу: